हितेन्द्रदेव शाक्यको जिकिर- ‘चितवनमा लोडसेडिङ सुरु भएको छैन’
काठमाडौँ- नेपाल विद्युत् प्राधिकरणको कार्यकारी निर्देशक हितेन्द्रदेव शाक्यले चितवनमा लोडसेडिङ सुरु भएको भन्ने कुरामा सत्यता नरहेको जिकिर गरेका छन् ।
आइतबार काठमाडौँमा सञ्चारकर्मीसँग कुरा गर्दै शाक्यले मर्मत कार्यका लागि विद्युत आपूर्ति रोकिएको भन्दै लोडसेडिङ भनेर गलत तरिकाले व्याख्या गरिएको जिकिर गरेका हुन् ।
चितवनमा रहेको सबस्टेशन अपग्रेड गर्नका लागि पुरानो कन्डक्टर फेर्ने काम भएकाले आइतबार र सोमबार विद्युत आपूर्ति बन्द गर्न लागिएको उनले बताए । पुरानो कन्डक्टरका कारण लोड धान्न नसक्ने अवस्था आएपछि नयाँ कन्डक्टर परिवर्तन गर्न खोजिएको शाक्यको भनाइ छ । उनले विद्युत क्षमता वृद्धि गर्दा पुरानो नेटवर्क धान्न नसकेका कारण बत्ती जाने समस्या देखिएको बताए ।
त्यस्तै शाक्यले डेडिकेटेड र ट्रंक लाइनको बक्यौता विवाद समाधानका लागि गठित प्रशासकीय पुनरावलोकन समितिको म्याद ३५ दिनका लागि थप गरिएको जानकारी समेत दिए । समितिले निर्णय गरेपछि बक्यौता उठाइने भन्दै शाक्यले बक्यौता उठ्न नसके लाइन काटिने बताए ।
वित्त आयोगले भन्यो-‘अर्थ मन्त्रालयको अनुमति लिएरै युएसएडसँग सहकार्य गरेका हौँ’
ऋणमा डुबेकी पार्वती करोडपति बनेपछि...
शेयरको दोस्रो बजारमा छिर्ने आईजीनसम्बन्धी विवाद चुलियोः अख्तियारमा मुद्दा, लेखा समितिमा प्रश्न
११ सयले घट्यो सुनको मूल्य, कतिमा हुँदैछ कारोबार ?
सुक्खाग्रस्त संकटलाई सम्बोधन गर्न के–के छन् कार्ययोजना ?
स्याउ खेतीमा कर्म गुरुङको पाँच दशकको यात्रा
ठेक्का तोड्दा तेब्बरले बढ्यो भैरव स्थानको भेटी
