३८ सिनेमा घरमा ५१ दिन, ५० करोड कलेक्शनः ‘पूर्णबहादुरको सारङ्गी’ नेपाली फिल्मको नयाँ आयाम
काठमाडौं– ठूला बलिउड फिल्मलाई नेपाली सिनेमा घरमा पानी समेत भन्न नदिएको ‘पूर्णबहादुरको सारङ्गी’ले शुक्रबार ३८ सिनेमा घरमा ५१ दिनको सेलिब्रेसन गर्ने भएको छ।
कात्तिक १५ गते रिलिज भएको यो फिल्म दक्षिण भारतीय स्टार अल्लु अर्जुनको ‘पुष्पा २’सँग पनि भिडिरहेको छ।
यो अवधिमा आक्रामक व्यापार गरेको फिल्मले ग्रस कलेक्शन पनि ५० करोड बनाएको बताइन्छ।
वितरक मनोज राठीका अनुसार ‘पूर्ण बहादुरको सारङ्गी’ले ३८ वटा सिनेमा हलमा ५१ दिन मनाउन लागेको हो। सबैभन्दा धेरै हलमा ५१ औं दिन मनाउने फिल्मको रेकर्ड पनि ‘पूर्ण बहादुरको सारङ्गी’को नाममा आएको छ ।
‘कबड्डी–४’ले साढे २३ करोड कलेक्सन गरेर बनाएको रेकर्ड यो फिल्मले ब्रेक गर्दै हालसम्मको सर्वाधिक ग्रसकलेक्सन गर्ने बनेको हो।
सरोज पौडेलको निर्देशन रहेको फिल्ममा विजय बराल मुख्य भूमिकामा छन्। विजयसँगै मुकुन भुसाल, बुद्धि तामाङ, प्रकाश सपूत, अञ्जना बराइलीलगायत कलाकारको अभिनय छ।
यो फिल्मले बलिउडका ठूला ‘सिंघम रिटर्नस’, ‘भूलभूलैया ३’ जस्तालाई नेपाली सिनेमा घरमा लामो समयसम्म टिक्न दिएन। यो फिल्म एकै दिन देशभरी सबैभन्दा बढी शो पाउने पनि पहिलो हो।
जेठ २३ मा आउने ‘जन्ते बाख्रो’ को पोस्टर सार्वजनिक
फिल्म ‘ऊनको स्वीटर’ को ट्रेलर सार्वजनिक
बहिस्कारले फिल्म नचल्ने हुन्छ र? राजावादीले डुबाएको होइन सुरक्षा पन्तको खेल
मह जोडीले पार गरे सहकार्यको ४५ वर्ष
डिभोर्ससहित अंशमुद्दा हालेकी अभिनेत्री अरुणिमा लम्सालले दोस्रा पति माथि लगाएका मुख्य अभियोग
श्रीमानविरुद्ध अरुणिमाले डिभोर्ससँगै अंशमुद्दा पनि हालेको खुलासा
बहिष्कारको चेतावनीपछि राजावादीलाई सुरक्षाको जवाफ- मेरो रजस्वला भइरहेको छ, छुन नआउनू
