काठमाडौँ– प्रधानसेनापति प्रभुराम शर्माले उपरथीमा बढुवा भएका तीन जना सहायक रथीलाई दर्ज्यानी चिन्ह प्रदान गरेका छन् ।
सैनिक जङ्गी अड्डामा आइतबार आयोजित कार्यक्रमबीच प्रधानसेनापति शर्माले सुनिल श्रेष्ठ, अनुपजंग थापा र प्रकाश देउजालाई दर्ज्यानी चिन्ह लगाइदिएका हुन् ।
पदोन्नतिसँगै उपरथी श्रेष्ठ मध्यपश्चिम पृतनापति, उपरथी थापा राष्ट्रिय सुरक्षा परिषद्को सचिवालयको सहसंयोजक र उपरथी देउजा संभाररथी विभागमा नियुक्त भएका छन् । उनीहरू सरकारको यही फागुन ६ गतेको निर्णयअनुसार उपरथीमा पदोन्नति भएका हुन् ।
दर्ज्यानी चिन्ह प्रदान गर्न आयोजित कार्यक्रममा रथीवृन्द, अधिकृतहरूका साथै पदोन्नति भएका रथीवृन्दका परिवारजनको उपस्थिति थियो ।
प्रकाशित मिति: आइतबार, फागुन १३, २०८० २१:१२
प्रतिक्रिया दिनुहोस्
