बुटवल– दाङ बस दुर्घटनामा ज्यान गुमाएका १२ जनाकै सनाखत भएको छ ।
गएराति नेपालगन्जबाट काठमाडौँका लागि छुटेको भे १ ख ३९१२ नम्बरको बस दुर्घटनामा ज्यान गुमाउने १ महिलासहित ११ पुरुषको सनाखत भएको हो ।
वडा प्रहरी कार्यालय लमहीका प्रहरी निरीक्षक शङ्कर श्रेष्ठका अनुसार अहिले लमही अस्पतालमा शवको पोस्टमार्टम जारी रहेको छ । ५ जनाको पोस्टमार्टम भैसकेको उनले बताए ।
नेपालगञ्जबाट काठमाण्डौका लागि छुटेको भे १ ख ३९१२ नम्बरको रात्रि बस गएराति भालुवाङको राप्ती पुलबाट नदीमा खस्दा ६ महिला र १८ जना पुरुष गरी २४ जना घाइते भएका छन् ।
प्रहरीका अनुसार चौराहा अस्पताल बुटवलमा ८, मेडिकल कलेज कोहलपुर बाँकेमा १३ र सिटी अस्पताल बुटवलमा एक, राप्ती पोलिक्लिनिक भालुवाङमा एक, प्रस्तावित भालुवाङ अस्पतालमा एक जना बिरामीको उपचार भइरहेको छ । घाइतेमध्ये ९ जनाको अवस्था सामान्य रहेको जिल्ला प्रहरी कार्यालय दाङले जनाएकाे छ ।
दुर्घटनामा ज्यान गुमाउनेहरुको नामावली
- बाँके नेपालगन्ज निवासी ६० वर्षीय कुसुम बस्नेत,
- मकवानपुर हेटौँडा निवासी ३९ वर्षीय सौरव विष्ट,
- काठमाडौँ चन्द्रागिरी नगरपालिका–१५ निवासी ६५ वर्षीय ताराकान्त पाण्डे,
- जुम्ला श्रीढुस्का–९ निवासी ४० वर्षीय मुनबहादुर बस्नेत,
- बाँके निवासी ३० वर्षीय रामबहादुर हरिजन,
- रुकुम गोतमकोट निवासी २५ वर्षीय दिपक कामी,
- भारत विहार निवासी ६७ वर्षीय योगेन्द्र राम,
- भारत उत्तर प्रदेश निवासी ३१ वर्षीय अतिकुल्ला खैरे,
- बाँके खजुरा–३ खजुरा निवासी २५ वर्षीय सञ्जय केसी,
- चितवन भरतपुर महानगरपालिका–२५ निवासी ३५ वर्षीय अनिल खड्का,
- भारत निवासी ४५ वर्षीय चेतराम शिल्पकार र
- बाँके खजुरा गाउँपालिका–३ निवासी २८ वर्षीय अर्जुन थापा रहेका छन् ।
