काठमाडौं– साताको चौथो दिन बुधबार सेयर बजार ८.३९ प्रतिशतले बढेको छ । नेप्सेका अनुसार, बुधबार ०.४५ प्रतिशतले बढेको सेयर बजारमा २६ लाख २ हजार ९५६ कित्ता सेयर किनबेच भयो । जसबाट ८१ करोड ६० लाख ४६ हजार रुपैयाँ बराबरको सेयर कारोबार भएको छ ।
आज सेयर बजार १८७५.०७ विन्दुमा आएर रोकिएको छ । २१६ वटा सूचीकृत कम्पनीमध्ये बुधबार १४६ कम्पनीको सेयर मूल्य बढेको छ भने ६४ कम्पनीको सेयर मूल्यमा गिरावट आएको छ । ७ वटा कम्पनीको सेयर मूल्य स्थिर रहेको नेप्सेले जनाएको छ ।
आज कालीन्चोक दर्शन लिमिटेडका लगानीकर्ताले ९.९७ प्रतिशतको नाफा बुक गरे भने सानिमा ग्रोथ फन्डले ८.०७ प्रतिशत नाफा कमायो ।
सिटीजन्स म्युचुअल फन्डले ७.१४ प्रतिशतले घाटा भएको छ । बुधबार सबैभन्दा बढी शिवम् सिमेन्ट लिमिटेडले ६ करोड ४३ लाख रुपैयाँ बराबरको सेयर कारोबार गरेको छ । सबैभन्दा बढी शिवम् सिमेन्ट लिमिटेडले नै १ लाख ५६ हजार ७०५ कित्ता र ६७६ पटक सेयर किनबेच भएको नेप्सेले जनाएको छ ।
