पद्मा अर्यालले भनिन्-‘पूर्वराष्ट्रपति दलीय राजनीतिमा फर्कन नमिल्ने पार्टी निर्णय उचित’
काठमाडौँ -नेकपा एमालेकी सचिव तथा लुम्बिनी प्रदेश इन्चार्ज पद्मा अर्यालले पूर्वराष्ट्रपति दलीय राजनीतिमा फर्कन नमिल्ने पार्टी निर्णय उचित भएको बताएकी छन् ।
मुलुकको मुख्य अभिभावक भैसकेको व्यक्ति दलीय राजनीतिमा आउनु उपयुक्त नहुने महसुस गरेर नै पार्टी केन्द्रीय कमिटीले यसबारे निर्णय गरेको अर्यालको भनाई छ ।
नेतृ अर्यालले पार्टीमा ७० वर्षे उमेर हद हटाउने प्रस्ताव केन्द्रीय कमिटीले पारित गरेको र अब यसको छिनोफानो विधान महाधिवेशनले गर्ने भएकाले यसमा नअलमलिन आग्रह गरेकी छन् ।
नेकपा एमाले लुम्बिनी प्रदेशले पार्टी सञ्चालन र व्यवस्थापनसम्बन्धी सञ्चालन गरेको तीन दिने प्रशिक्षण कार्यक्रमको समापनका अवसरमा सचिव अर्यालले यस्तो बताएकी हुन् ।
‘उमेर हद कुनै व्यक्ति लक्षित भएर हटाएको होइन, सोची विचारी हटाइएको हो, यो व्यवस्था यसअघि नै निष्क्रिय भैसकेको थियो’सचिव अर्यालले भनिन् । उनले पार्टी नेतृत्वको सरकारले गरेका काम र प्राप्त उपलब्धिहरूलाई जनतामाझ लैजान पार्टी पङ्क्तिलाई निर्देशन दिएकी छन् ।
एमाले नेतृत्वको गठबन्धन सरकारले मुलुकको असहज परिस्थितिका बाबजुद पनि विकास निर्माणका सवालमा महत्त्वपूर्ण उपलब्धि हासिल गरेको तर मुलुकमा केही भएन भनेर निराशा र तथ्यहीन तर्क गरेर गलत भाष्य सिर्जना गर्न खोजिएको उनको भनाइ छ । उनले भएका विकास निर्माणका कामलाई जनतामाझ लैजान पार्टीको स्थानीय कमिटीलाई आग्रह गरिन् ।
एमाले अध्यक्ष केपी शर्मा ओलीले प्रधानमन्त्रीको शपथग्रहण गर्दा २७ वटा स्वार्थ समूहहरू आन्दोलनमा रहेको स्मरण गर्दै उनले त्यस्ता समूहलाई वार्ता र संवादको माध्यमबाट व्यवस्थापन गरिएको पनि उनको भनाइ छ ।
‘यो मात्र होइन नेपालमा सुरुङ मार्ग असम्भव छ भन्नेहरूलाई सरकारले सम्भव बनाएर देखाएको छ, काँग्रेसलाई समेत सहमतिमा ल्याएर चीनसँग बीआरआई सम्झौता गरिएको छ’ उनले भनिन् ‘सबै आर्थिक सूचकहरू बढेका छन्, यी महत्त्वपूर्ण उपलब्धि हुन् ।’
सामाजिक अराजकता मुलुकमा व्याप्त निराशाको प्रमुख कारण रहेको जिकिर गर्दै एमाले सचिव अर्यालले निराशालाई चिर्न कार्यकर्ताले आमजनतामा उत्साह भर्न सक्नुपर्ने बताइन् ।
उनले पार्टीभित्र अनुशासन र सुशासन महत्त्वपूर्ण विषय भएकाले यसतर्फ सबै सचेत रहनुपर्नेमा जोड दिइन् । एमाले लुम्बिनी प्रदेश कमिटी अध्यक्ष राधाकृष्ण कंडेलले पार्टीलाई एउटै विधि र तरिकाले सञ्चालन गर्न सकियोस् भनेर प्रशिक्षण आयोजना गरिएको बताए ।
रवि लामिछाने पूर्पक्षमा पुगेपछि रास्वपामा प्रष्ट छचल्किएको ‘डीपी–बुर्लाकोटी’ पार्टनरसीपको पराकम्पन
ओलीले सुरु गरे तानाशाही शैलीः विद्याको पक्षमा खुलेका युवा संघ प्रदेश अध्यक्षलाई कारबाही
गण्डकी प्रदेशका पूर्व प्रमुख गुरुङको निधन
गाडी नम्बर ०३१च८९०२ः एमालेजडित असन्तुष्टि पोखिने बबरमहलस्थित कार्कीको दलान
मुख्यमन्त्री लामाविरुद्ध अविश्वास प्रस्ताव पेश गर्ने यी हुन् कांग्रेसका २१ सांसद
कृष्णप्रसाद सिटौलाले भने-‘वर्तमान व्यवस्थालाई थप बलियो बनाउने गरी संविधान संशोधन आवश्यक’
‘सरकारले भ्रष्टाचारीको अनुहार हेर्दिनँ भन्छ, काण्डमा मुछिएका मन्त्रीलाई संरक्षण गर्छ’ : सांसद साह
