एजी एक्सप्रेस कार्गो र सहारा क्लब पोखराबीच भएको सम्झौता के हो?

कास्की– पोखरामा आधारित सहारा क्लबसँग एजी एक्सप्रेस कार्गो तथा कुरियरबीच सामाजिक उत्तरदायित्व अन्तर्गत सहकार्य गर्ने सम्झौता भएको छ।

हालै भएको यो सम्झौताअनुसार एजी एक्सप्रेसले सहारा क्लबले सञ्चालन गर्दै आएको ‘सूर्य बहादुर केसी स्मृति सहारा आवासीय फुटबल एकेडेमी’मा रहेका बालबालिकाको शैक्षिक तथा खेलकुद विकासमा सहयोग गर्नेछ। 

सहयोगस्वरूप एजी एक्सप्रेसले ग्लोबल सेलमार्फत पठाइने हरेक किलो सामानमा ५ रुपैयाँका दरले वार्षिक रूपमा रकम प्रदान गर्नेछ। 

सहारा क्लब र यसको अन्तर्राष्ट्रिय शाखाका सदस्यहरुले एजी एक्सप्रेसको सेवा प्रयोग गर्दा १० प्रतिशत छुट प्राप्त गर्नेछन्।

क्लबका अध्यक्ष केशवराज बराल र एजी एक्सप्रेसका सञ्चालक तुलसी उप्रेतीले सम्झौतापत्रमा हस्ताक्षर भएको छ।

सम्झौताको अवधि १ वर्षको रहनेछ भने आवश्यकता अनुसार आपसी सहमतिमा अवधि थप गर्न सकिने व्यवस्था गरिएको छ।

एजी एक्सप्रेसका उप्रेतीले यस्तो सम्झौताले बालबालिकाको क्षमता विकासमा योगदान गर्नेछ।