एलिना चौहानले दिइन् बाँदरलाई केरा

काठमाडौं– बाँदरलाई केरा दिएर गायिका एलिना चौहानले जन्मदिन मनाएकी छन्। शुक्रबार परेको जन्म दिनमा उनले सडकमा बसेर व्यापार गर्नेलाई आर्थिक सहयोग पनि गरिन्। 

उनले स्वयम्भु क्षेत्रका बाँदरहरूलाई केरा खुवाइन्। सामाजिक संजालबाट उनले आफ्नो जन्मदिन विशेष भएको बताउँदै विपन्नलाई सघाएकोदेखि

भोकाएका बाँदरलाई केरा खुवाएका भिडियो सेयर गरेकी छन्।

‘अब बाँदरको पालो। उत्कृष्ट जन्मदिन भयो है आज चाहिँ’ उनले भिडिओ खिचेर शेयर गरेकी छन्। 

सडकमा अगरबत्ती बेच्दै हिँडेका दृष्टिविहिन, पोलेको मकै बेच्न बसेकी वृद्धा, पानी र फलफुल बेच्नदेखि भरिया सम्मलाई उनले सघाएकी छन्।

तिम्रो मायाले बाँधेर राख, तिमी नै तिमी, धोकेबाज ३, मिनरल वाटर, कान्छी फिलिली, बोल्दा पनि, एक नजर एलिनाका चर्चित गीत हुन्। कट्टा हान्दिन्छु, के माया लाग्छ र पनि उनका चर्चित गीत हुन्।