नेपालीले पोस्टर र नाम डिजाइन गरेको आमिरको ‘सितारे जमनि पर’ नेपालमा किन भएन रिलिज?

काठमाडौं– नेपालमा नै अनि नेपालीले पोस्टर र नामको डिजाइन गरेको आमिर खानको फिल्म ‘सितारे जमिन पर’ नेपालमा रिलिज हुन सकेको छैन।

शुक्रबारदेखि प्रदर्शनको अपेक्षा गरिएको ‘तारे जमिन पर’को सिक्वेल सितारे जमिन पर रिलिज नहुनुको ठूलो कारण होइन, समस्या वितरणमा रहेको बताइन्छ। 

बितरकले फिल्मले प्रस्ताव गरेको एक करोड भारु तिर्न सकेको खण्डमा रिलिज हुन सक्ने सम्भावना रहेको छ। यद्यपि शुक्रबार बिहान भने यो फिल्म रिलिज हुन नसकेको बताइन्छ।

भारतीय निर्माताले महंगो वितरण शुल्क प्रस्ताव गरेपछि नेपाली वितरक पछि हटेका हुन्। 

शुक्रबारसम्म फिल्म रिलिज नभएपनि त्यसपछि रिलिज हुन्छ वा हुँदैन, यसबारे केही खुलेको छैन। 

यो फिल्मको नाम र पोस्टरचाहिँ नेपाली कलाकार आनन्द महर्जनले तयार पारेका थिए। अन्य नेपाली फिल्म रिलिज नहुँदा यसको प्रत्यक्ष फाइदाचाहिँ महाभोजले उठाउनेछ।

दक्षिण भारतीय फिल्म ‘कुबेरा’ प्रदर्शनमा आएको छ। धनुष र नागार्जुना, रश्मिका मन्दाना स्टारर यो फिल्मको रनटाइम १८१ मिनेट छ। यसले धक्का दिन सक्ने अनुमान गरिन्छ।