गायक तथा संगीतकार गणेश रसिकको निधन
काठमाडौँ- साहित्यकार, गायक एवं संगीतकार गणेश रसिकको निधन भएको छ ।
हात्तीवनस्थित नेपाल क्यान्सर अस्पतालमा आइतबार दिउँसो उनको निधन भएको हो । ७८ वर्षीय रसिक लामो समयदेखि प्रोस्टेट क्यान्सरका बिरामी थिए ।
रसिक बहुआयमिक व्यक्ति थिए । उनका ‘ओ याङ्जी नाना,’ ‘नुनजस्तो बिल्ने जिन्दगीलाई ढाकरमा बोकेर’, ‘धेरै सम्झे धेरै हुन्छ’, ‘हाम्रो घरबाट ट्याम्के डाँडा’, ‘ओ शून्यता’, ‘घरबेटी नानी आँगनीमा देऊ न मलाई बास’, ‘नखेल्नु जुवा र तास’, ‘रातो भाले क्वाँया क्वाँया’ हरू कालजयी गीत हुन् ।
‘क्षितिजलाई छुन खोज्दा (कथासंग्रह), ‘रसिकका गीतहरू’ (गीतसंग्रह), ‘आकाशगंगाको ओतमुनि’ (उपन्यास), ‘दशगजामा उभिएर’, ‘जब सिस्नुहरू टेक्दै हिँडे’, पाँच पुस्तकको ‘पेरुङ्गो’ (संस्मरण) लगायत रसिकका प्रकाशित किताब हुन् ।
रसिककी छोरी बेलायतबाट फर्किएपछि दाहसंस्कार गरिने जनाइएको छ । अहिले उनको शव टिचिङ अस्पतालमा राखिएको छ ।
‘जन्ते बाख्रो’ मा मैले आफ्नो क्यारेक्टरलाई बुझ्न र त्यसलाई निर्माण गर्न मौका पाएँ : सौगात मल्ल
हरिवंश र किरण केसीसँग दीपकराज गिरिको फिल्म आउँदै, कुन हो त्यो?
थाइल्याण्डकी ओपल सुचाताले जितिन् मिस वर्ल्डको उपाधि
११ वर्षीया अग्रिमा कुँवरले फिलिपिन्समा जितिन् ‘लिटिल मिस ग्लाम युनिभर्सल’को उपाधि
नाटक 'मीरा' मार्फत अभिनेत्री रेखा थापाको रंगमञ्चमा इन्ट्री
दीपकराज गिरी भन्छन्– गणतन्त्र बागमती जस्तो हो
आजदेखि हुने भनिएको चलचित्र ‘महाभोज’को प्रदर्शन स्थगित
