छुट्टिएको हल्लापछि गोविन्दा र सुनिताबारे अर्को खबर बाहिरियो, आखिर के रहेछ त्यो?

काठमाडौं– बलिउड अभिनेता गोविन्दा र पत्नी सुनिता आहुजाको डिभोर्सको हल्लाका समाचारपछि नयाँ खबर बाहिरिएको छ।

यो हल्लामा कुनै प्रतिक्रिया नदिएको जोडी मध्यकी सुनिता केही समयअघि बाहिर छोरा यसबद्र्धनसँग देखा परिन्। 

उनले यस विषयमा संक्षेपमा प्रतिक्रिया जनाइन्।

बम्बे फेसन विकमा इन्स्ट्यान्ट बलिउडलाई दिएको अन्तर्वार्तामा सम्बन्ध विच्छेदको बारेमा सुनिताले भनिन्, ‘जेसुकै खबर आए पनि मलाई केही फरक पर्दैन । मैले पहिले पनि भनेकी छु, कुनै पनि कुरा हामीबाट नसुनेसम्म विश्वास नगर्नुहोस्। हामीले मुख नखोल्दासम्म तपाईंले कुनै पनि समाचारमा प्रतिक्रिया दिनु हुँदैन।’

सुनिता आहुजाले हालै आफ्नो छोरा यशवर्धनसँग बम्बे फेसन विकमा र्याम्पमा हिँडेकी थिइन्। उनी र्याम्पमा आउने बित्तिकै फोटोग्राफरहरूले गोविन्दालाई सम्झन थाले र गोविन्द कहाँ छन् भनेर सोध्न थाले। सुनिता यसमा मौन रहिन्। केही समयपछि जब कार्यक्रम सकियो सुनितालाई गोविन्दा कहाँ छन् भनेर सोधियो। यो सुनेपछि सुनिताले अन्तर्वार्ता अधुरो छोडेर गइन्।

मिडिया रिपोर्टहरूमा ६१ वर्षीय गोविन्दाको ३० वर्षीया मराठी अभिनेत्रीसँग अफेयर रहेको दाबी पनि गरिएको थियो। यही कारणले सुनिताले ३८ वर्षको विवाहपछि सम्बन्ध विच्छेद गर्न चाहेको दाबी गरिएको थियो। यद्यपि, पछि उनका प्रबन्धकले यी रिपोर्टहरूलाई हल्ला भने। उनका अनुसार गोविन्दा राजनीतिमा प्रवेश गरेपछि उनले आफ्नो घर नजिकै एउटा घर भाडामा लिएका थिए किनभने पार्टीका सदस्यहरू प्रायः उनको घरमा आउने गर्थे।