काठमाडौँ– वालिङ महोत्सवमा प्रस्तुति दिँदै गर्दा गायक दुर्गेश थापामाथि जुत्ता प्रहार भएको छ । 

आज बिहान वालिङमा आयोजित महोत्सवमा प्रस्तुती दिँदै गर्दा दुर्गेशमाथि स्टेजमा दर्शकले जुत्ता प्रहार गरेका हुन् ।

जिल्ला प्रहरी कार्यालय स्याङ्जाका अनुसार थापाले प्रस्तुति दिइरहँदा २२ वर्षका एक युवकले उनीमाथि जुत्ता प्रहार गरेका थिए । त्यसपछि प्रहरीले ती युवकलाई नियन्त्रणमा लिएको थियो ।

ती युवकले आफूले जोशमा जुत्तामाथि फाल्दा स्टेजमा पुगेको र आफ्नो हान्ने नियत नभएको बयान प्रहरीलाई दिएका थिए । आइतबार बिहान प्रहरीले नियन्त्रणमा लिएका युवक र गायक थापालाई राखेर छलफल गरेको छ ।