क्युआरकाण्डी कोशीका मन्त्री मण्डलका छोरा निलेशको गुन्डाराज, नक्कली नोट कारोबारी जोगाएको घमन्ड

काठमाडौं– क्युआरमार्फत रकम माग गरिएको विषयको विवादमा तानिएका कोशी प्रदेश वन पर्यटन तथा वातावरण मन्त्री सदानन्द मण्डलको छोरा निलेश मण्डलको गुन्डाराज मौलाएको गुनासो आएको छ।

केही अडिओहरू आपत्तिजनक विषयमा बोलेको समेत प्राप्त भएका छन् भने कतिपय सार्वजनिक भएका छन्।

निलेशले सुनसरी जिल्लामा धार्मिक द्वन्द्व गर्ने धम्की पनि दिएका छन्। उनले जतिसुकै प्रकरण भए पनि आफ्नो बुवालाई कसैले केही गर्न नसक्ने दाबी गर्दै अपशब्द प्रयोग गरेका छन्। 

निलेशले आफ्नो बुवा बुवा मन्त्री मण्डलले नक्कली नोटको कारोबार गर्नेलाई संरक्षण समेत गरेको घमन्ड दर्शाएका छन्।

केही समयअघि प्रहरीले पक्राउ गरेको नक्कली नोट र कारोबारीहरुलाई आफ्नो बुवाले जोगाएको उनी बोलेको अडिओमा उल्लेख छ।

मन्त्री मण्डलले क्युआर मार्फत अनुचित लेनदेन गरेको र खेताला स्वकीय सचिव नियुक्ति गरेको विषयमा मन्त्रीको आलोचना र बिरोध भइरहेको बेला निलेशको गुन्डाराज दर्शाउने अडिओ सार्वजनिक भएको हो। 

उनका बुवा मन्त्री मण्डल अहिले विवादको टाकुरामा रहेका छन्। सचिवालयका कर्मचारीमार्फत कार्यालय प्रमुखलाई बैंक खाताको क्यूआर पठाएर सहयोग मागेको आरोप उनीमाथि लागेको थियो।

कर्मचारीको सरुवाका लागि क्यूआर कोड पठाएर पैसा मागेको भनेर विवाद आउँदा पनि मुख्यमन्त्री हिक्मत कार्की भने केही बोलेका छैनन्।

मुख्यमन्त्री कार्कीको मौनतालाई कोशी प्रदेशको प्रमुख प्रतिपक्षी दल नेकपा माओवादी केन्द्रले मुख्यमन्त्री निरीहता भएको बताएको छ।