सप्तरीका एसपी खतिवडामाथि छानबिन गर्न एसएसपी कोइरालाको समिति, बरिष्ठ सई तानिए

काठमाडौं– सप्तरी प्रहरी प्रमुख रहेका ढकेन्द्र खतिवडामाथि घुस लेनदेनको आरोप छानबिन गर्न मधेस प्रहरी कार्यालयले समिति बनाएको छ।

प्रहरी उपरिक्षक (एसपी) खतिवडालाई लागेको आरोप छानबिनका लागि संघीय प्रहरी ईकाईका प्रमुख प्रहरी बरिष्ठ उपरिक्षक (एसएसपी) शान्तिराज कोइरालाको नेतृत्वमा समिति गठन भएको हो। 

मधेस प्रहरी प्रमुख नायव महानिरिक्षक (डीआईजी) उमाप्रसाद चतुर्वेदीले समिति गठन गरेका हुन्। 

सप्तरीको कोशी ब्यारेजका होटल सञ्चालकका छोरालाई लागुऔषधमा गाँजामा पक्राउ गरेपछि रकम लिएको विषय सतहमा आएको थियो। 

सो काममा खटिएका प्रहरी बरिष्ठ नायव निरिक्षक (सई) विश्वनाथ त्रिपाठीलाई मधेस प्रहरी कार्यालयमा तानेर कारबाही सुरु गरिएको छ।

घटनालाई गम्भीर मान्दै छानबिन समिति गठन गरेको मधेस प्रहरी कार्यालयले जनाएको छ।

‘छानबिन समिति बनेको छ, तीन सदस्यीय समितिले रिपोर्ट दिएपछि के कस्तो कारबाही गर्नेबारे टुंगो लाग्छ,’ मधेस प्रहरी कार्यालय स्रोतले भन्यो। 

उक्त विषयमा क्यानडा नेपालले समाचार प्रकाशन गरेको थियो भने भिडिओ पनि सामाजिक सञ्जालमा ब्यापक छ।

यो पनि पढ्नुहोस् ,

लागुऔषध कारोबारीको मुद्दा मिलाउन १० लाख एसपीले नै मागेको आरोप, ४ लाख दिइसकेको प्रमाण!