विकास-निर्माणका काम काँग्रेसको उच्च प्राथमिकतामा छ : डा. महत
तनहुँ- नेपाली काँग्रेसका प्रवक्ता डा. प्रकाशशरण महतले विकास- निर्माणका कामलाई आफ्नो पार्टीले उच्च महत्त्व दिएको बताएका छन् ।
नेपाली काँग्रेस बन्दीपुर गाउँ कार्यसमितिले आज आयोजना गरेको कार्यकर्ता भेटमा उनले काँग्रेसको नेतृत्वमा नै देश विकासको पथमा सशक्त ढंगले अघि बढ्ने बताए।
पूर्वअर्थमन्त्री महतले लोकप्रिय हुन हचुवाका भरमा कार्यक्रम घोषणा गर्ने प्रवृत्ति रहेको टिप्पणी गर्दै त्यसलाई नियन्त्रण गर्नुपर्नेमा जोड दिए । बजेट छर्ने प्रवृत्तप्रति लक्ष्य गर्दै उनले त्यसो भनेका हुन् ।
प्रवक्ता महतले नेपाली काँग्रेसमा एकता आवश्यक रहेको औँल्याए । काँग्रेस एकताबद्ध भएमा आगामी निर्वाचनमा सबैभन्दा ठूलो शक्ति बन्नबाट उसलाई कसैले रोक्न नसक्ने उनले बताए।
एक्लै प्रतिस्पर्धा गरेर बहुमत ल्याउने काँग्रेसको नीति भए पनि चुनावमा गठबन्धन गर्नुपर्ने बाध्यात्मक परिस्थितिमा त्यसो गर्नुपरेको स्पष्ट गरे।
निर्वाचन प्रणालीका कारण कुनै एक पार्टीको बहुमत नआउने भएकाले सरकार गठनमा पनि गठबन्धन गर्नुपर्ने बाध्यता रहेको प्रवक्ता महतले बताए ।
महिला समितिमा लफडा : बाझाबाझ र माइक फालाफाल
गोप्य भिडियो खिचेको भन्दै रास्वपाका क्षेत्रीय पदाधिकारी निलम्बित
काठमाडौंमा पत्रकार सम्मेलन गरेर भाजपा नेता जोलीले भने– ८१ प्रतिशत नेपाली हिन्दू राष्ट्र चहान्छन्
संसदको सामाजिक समिति सभापति साहमाथि सांसद मियाँद्वारा ‘माइक’ प्रहार, कारण सामान्य
वर्तमान सरकार आर्थिक विकास र पूर्वाधार निर्माणमा केन्द्रित छ : शंकर पोखरेल
जनयुद्ध पीडितलाई कहिल्यै बिर्सेको छैन- प्रचण्ड
महावीर पुन भन्छन्- उर्जामन्त्रीलाई बृहत जन आन्दोलन गरेर नहटाए देश डुब्ने भयो
