नेपाल प्रहरीको डीआईजी बढुवाको दौडमा दुई अब्बल महिला अधिकारी, अरु को–को छन्?

काठमाडौं– नेपाल प्रहरी नायव महानिरिक्षक (डीआईजी) बढुवा केही बिलम्ब भएको छ। 

प्रहरी प्रधान कार्यालय र गृह मन्त्रालयको तालमेलका कारण बढुवा बिलम्ब भएको बताइए पनि आगामी साता प्रहरी अतिरिक्त महानिरिक्षक (एआईजी) लालमणि आचार्यको सेवा अवधि सकिनासाथ एक एआईजी बढुवा गरी ११ डीआईजी एक साथ बढुवाको तयारी भएको पनि बताइन्छ। 

यद्यपि यस विषयमा गृह मन्त्रालय उच्च स्रोतले तयारी जारी रहेको बताएको छ। प्रहरी प्रधान कार्यालयले पनि अनुक्रमका आधारमा बढुवा हुने जानकारी दिएको छ।

डीआईजी बढुवामा धेरैको प्रतिस्पर्धा अनेक कोणबाट भैरहँदा दुई जना महिला अब्बल अधिकारी पनि प्रतिस्पर्धामा छन्। प्रहरी बरिष्ठ उपरिक्षक (एसएसपी) गंगा पन्त र तारादेवी थापा पनि प्रतिस्पर्धाको चरणमा छन्।

एसएसपीहरू विश्व अधिकारी, सानुराम भट्टराई, ओमप्रसाद अधिकारी, भूपेन्द्रकुमार खत्री, सोमेन्द्रसिंह राठौर, शेखर खनाल, दीपशमशेर राणा र अभिनारायण काफ्ले पनि मुख्य प्रतिस्पर्धी हुन्। 

उनीहरूपछि एसएसपीमा बढुवा भएका वसन्त रजौरे र रमेश बस्नेत पनि डीआईजी बढुवाको दौडमा रहेको बताइन्छ। 

राअविबाट आएका श्यामकृष्ण अधिकारी तथा नेपाल प्रहरीकै भीमबहादुर दाहाल र नान्तिराज गुरुङ २०८१ जेठ १८ मा बढुवा सिफारिस भएका थिए। उनीहरु पनि डीआईजीका प्रतिस्पर्धी हुन्। 

नेपाल प्रहरीमा राअविबाट समायोजित समूहमा ओमबहादुर राना, विनोद घिमिरे, दीपेन्द्र जिसी, माधव श्रेष्ठ, सुरेन्द्रबहादुर गुरुङ, दीलिपसिंह देउवा, जयराम सापकोटा छन्। 

अहिलेको डीआईजी बढुवाका दाबेदार प्रहरी निरीक्षक आधारभूत तालिमको टोली नम्बर ११२ का अधिकृत हुन्। २०५६ असार ३ गतेको नियुक्तिपत्र प्राप्त यो अधिकृत टोली डिएसपी बढुवादेखि दुई र तीन लटमा अगाडि आएको छ। एसएसपी बढुवामा तीन चरणमा बढुवा भएका अधिकृत छन्।

नेपाल प्रहरीको ११२ को टोली भने २०६७ पुस २३ गते इस्पेक्टरबाट डिएसपी एकसाथ बढुवा भएको थियो। तर २०७५ जेठ २९ मा यो टोलीका २६ जना एसपीमा बढुवा भए। 

अर्को टोली २०७५ फागुन ७ मा एसपी भयो। त्यसमा रमेशकुमार बस्नेत, श्यामकृष्ण अधिकारी, नान्तिराज गुरुङहरू थिए। पहिलो लटमा एसपी भएका वसन्त रजौरे भने एसएसपी बढुवामा छुटे भने दोस्रो लटको बढुवामा परे। तेस्रोमा रमेश बस्नेत २०८० माघ १७ मा बढुवा भए। 

११२ को टोलीबाट प्रतिस्पर्धाका लागि हाल काठमाडौं परिसर प्रमुख रहेका विश्व अधिकारी, एकपटक उपत्यका अपराध अनुसन्धान कार्यालय चलाइसकेका सानुराम भट्टराई, चितवन तालिम केन्द्रमा रहेका भूपेन्द्रकुमार खत्री, एयरपोर्टमा रहेका सोमेन्द्रसिंह राठौर, ललितपुर परिसर चलाएका शेखर खनाल, बुटवल तालिम केन्द्रमा रहेका दीपशमशेर राणा, विराटनगर तालिम केन्द्रमा रहेका अभिनारायण काफ्ले, प्रहरी प्रधान कार्यालयमा रहेका ओम अधिकारी र तारादेवी थापा, संयुक्त राष्ट्र संघको मिसनमा रहेकी गंगा पन्त मध्यबाट बढुवा हुनेछन्।