काठमाडौँ– आइसिसी एकदिवसीय क्रिकेट विश्वकप छनोट प्रतियोगिताअन्तर्गत जारी खेलमा नेपालले नेदरल्यान्ड्सलाई १६८ रनको झिनो लक्ष्य दिएको छ ।
्नेपालले ४४.३ ओभरमै सबै विकेट गुमाएर १६७ रन मात्र बनाउन सक्यो ।
रोहित पौडेलले सर्वाधिक ३३ रन बनाए । यस्तै, सन्दीप लामिछाने र कुशल भुर्तेलले समान २७ रन जोडे । यसैगरी, भीम सार्कीले २२, गुल्शन झाले १५, दीपेन्द्रसिंह ऐरीले १४, कुशल मल्लले १२ रन जोडे ।
त्यस्तै, आरिफ शेख र करण केसी क्रमशः ६ र १ रनमा आउट हुँदा आसिफ शेख ० रनमा आउट भए । ललित राजबंशी ० रनमा अविजित रहे । नेपालका ब्याटर नेदरल्यान्ड्सका बलरसामु निरीह बनेका थिए ।
ब्याटरहरू टिक्न नसकेपछि सन्दीप र गुलशनले पारी सम्हाल्ने प्रयास गरेका थिए । अहिले नेपालले फिल्डिङ गरिहेको छ ।
प्रकाशित मिति: शनिबार, असार ९, २०८० १६:२७
प्रतिक्रिया दिनुहोस्
