‘माग्ने राजा’ को टिजर सार्वजनिक
काठमाडौं- हल्का रमाइलो भन्दै दर्शक हसाउँदै आएका केदार घिमिरे पूरा रमाइलो गराउने वाचासहित हलमा आउने भएका छन् ।
उनको मुख्य भूमिका रहेको ‘माग्ने राजा’को सोमबार सार्वजनिक टिजरले यस्तै संकेत गरेको छ । केदार घिमिरेलाई केन्द्रमा राखेर सार्वजनिक गरिएको टिजर रमाइला संवादले भरिएको छ । केदार घिमिरेका भिन्न स्वरुप देखिने सिनेमामा विल्सन विक्रम राई केदार घिमिरेको भान्जा बनेको देख्न सकिन्छ ।
विल्सन र केदार घिमिरेको जोडी टेलिभिजनको पर्दामा माग्ने बुढा र तक्मे बुढाको जोडीको रुपमा परिचित छ । पौने दुई मिनेट लामो टिजरमा वर्षा सिवाकोटी र शिशिर वाङदेल पनि अटाएका छन् । टिजरले दुवैको भूमिकाको बारेमा भने उति धेरै खुलाएको छैन ।
केदार घिमिरेलाई पोस्टरमार्फत् नै भिन्न स्वरुपमा प्रस्तुत गरेर चर्चा कमाएको निर्माण टिमले टिजरमा पनि माग्नेलाई नयाँ स्वरुपमा प्रस्तुत गरेको छ । ‘माग्ने राजा’मा केदार घिमिरे पहिलो पटक मुख्य भूमिकामा देखिन लागेका हुन् ।
आरम्भ प्रडक्सनको ब्यानरमा मुनाल घिमिरेको प्रस्तुतकर्ता र मधुसुदन शर्मा निर्माता रहेको सिनेमालाई ऋषि लामिछानेले निर्देशन गरेका हुन् । सिनेमामा नरेन्द्र मैनालीको छायांकन, सामीप्यराज तिमल्सेनाको लेखन, सुजिल कर्माचार्यको पाश्र्व संगीत र मित्र गुरुङको सम्पादन रहेको छ । सिनेमाको टिजर साहिल खानले तयार गरेका हुन् । आगामी भदौ ६ मा नेपालसँगै विदेशमा प्रदर्शन हुने तयारी भइरहेको सिनेमालाई आरआर फिल्मले वितरण गर्दैछ ।
MAAGNE RAJA || Movie Official Teaser 2025 || Kedar Ghimire, Barsha Siwakoti, Wilson Bikram Rai
असोज १५ लाई ‘राष्ट्रिय चलचित्र दिवस’का रूपमा मनाइने
गायिका एलिना चौहानले गालीगलौजमा उत्रिनेलाई पालै पालो तह लगाउने, साईबर ब्यूरो पुगिन्
६ दशकमा यी हुन् सर्वाधिक कमाई गरेका २५ नेपाली फिल्महरू, कसले कति कमाए?
‘काँटा लगा’मा नाचिन् अनि बिग बोसमा पनि पुगिन्, अभिनेत्री सेफालीले जवानीमै संसार छाडिन्
एलिना र समिक्षाले सुरु गरेको ‘एक्सपोज’ अभियानको दीपकराज गिरीद्वारा समर्थन
८०–९० दशकमा दक्षिण भारतीय फिल्मका तीन बोल्ड अभिनेत्री को–को हुन्?
रिसाएको इमोजी राख्दै गायिका एलिनाले लेखिन्– भाइरल हुन मन लाग्ने आइज है!
