दाहसंस्कार गर्नै लाग्दा बालिकाको शव प्रहरीले नियन्त्रणमा लियो, जेठाजु–बुहारी पक्राउ
काठमाडौं– संखुवासभामा दाहसंस्कार गर्न लाग्दा एक बालिकाको शव प्रहरीले नियन्त्रणमा लिएको छ।
भोटखोला गाउँपालिका–४ सिप्प्रङकी ६ वर्षिया बालिकाको शव प्रहरीले नियन्त्रणमा लिएको हो।
बिहीबार खाँदबारी नगरपालिका–३ गुरुङचोकबाट जिल्ला प्रहरी कार्यालयका प्रहरी नायब उपरीक्षक (डिएसपी) दक्षकुमार बस्नेतको टोलीले एम्बुलेन्ससहित गोपाल तामाङकी छोरी युनिका तामाङको शव नियन्त्रणमा लिएको हो।
वैशाख ३० गते घरासयी विवादका क्रममा जेठाजु गोपाल तामाङ र भाइबुहारी कल्पना (गुरुङ) तामाङबीच झैझगडा भएको थियो। झैझगडाका क्रममा भाइबुहारी कल्पनाले भतिजी युनिकालाई धकेल्दा डिलबाट लडेर सख्त घाइते भएकी थिइन्।
सख्त घाइते युनिकाको जिल्ला अस्पताल संखुवासभामा उपचार हुन नसकेपछि थप उपचारका लागि नोबेल अस्पताल विराटनगर लगिएको थियो। युनिकाको नोबेलमा नै जेठ ७ गते मृत्यु भयो।
प्रहरीले गोपालकी भाइबुहारी कल्पनालाई भोटखोला–४ सिप्प्रङबाट पक्राउ गरी सदरमुकाम खाँदबारी ल्याउँदै गरेको जनाएको छ।
घटनाको बारेमा मृतकका बुबा गोपाललाई समेत नियन्त्रणमा लिएर थप अनुसन्धान भइरहेको जिल्ला प्रहरी कार्यालय संखुवासभाले जनाएको छ।
रुपन्देही कारागार अगाडि भेला हुन थाले रास्वपा कार्यकर्ता
तीनकुने घटना : प्रहरीले बुझायो अनुसन्धान प्रतिवेदन
पूर्वडीएसपीको बयानले भिजिट भिसाको कमिशन नारायणकाजी श्रेष्ठसम्म पुगेको संकेत गर्छ
लामिछाने र जोशीको मुद्दाको सुनुवाइ सकियो, आजै आदेश आउने
सप्तरीको कल्याणपुरको नेपाल बैंकमा चोरी, गार्डको बन्दुक पनि चोरिएको थियो
गृहमन्त्री लेखकसहित सुरक्षा संगठन प्रमुखहरु जनकपुरमा, जानुको कारण
केन्द्रीय कारागारभित्रै गोली लाग्नबाट बचेका युनुस अन्सारी रिहा हुने समयमा अर्को मुद्दा थपियो
