कश्मिरमा मारिएका सुदीपको शव आजै नेपाल ल्याउने तयारी
काठमाडौँ- कश्मिरको पाहलगममा भएको आतंककारी हमलामा मारिएका नेपाली युवा सुदीप न्यौपानेको शव आजै नेपाल ल्याइने भएको छ।
परराष्ट्र मन्त्री डा. आरजु राणा देउवाले भारतीय विदेश मन्त्रालयसँग गरेको पहलपछि उनको शव आजै ल्याउन लागिएको हो।
मंगलबार कश्मिरमा आतंककारीहरूको आक्रमणमा परेर सुदीपको ज्यान गएको थियो। उनको साथमा रहेका आफन्तहरू रिमकला पाण्डे, युवराज काफ्ले, सुषमा न्यौपाने र अर्का एक नेपाली हरिप्रसाद सापकोटालाई पनि आजै नेपाल ल्याउन लागिएको हो। आक्रमणमा परेर रिमकला घाइते भएकी छन्।
मन्त्री राणाले नयाँ दिल्लीस्थित नेपाली राजदूत डा. शंकर शर्मासँग आज बिहानै कुराकानी गरी यस विषयमा समन्वय गर्न निर्देशन दिएकी थिइन्। मन्त्री राणा र राजदूत शर्माले भारतीय विदेश मन्त्रालयसँग यस विषयमा समन्वय गरेका थिए।
समन्वयपछि आज साँझ ५ बजे श्रीनगरबाट नयाँ दिल्ली र राति ९: ३० बजे नयाँ दिल्लीबाट लखनउ हवाई जहाजमा तथा लखनउबाट नेपालको बोर्डरसम्म एम्बुलेन्समा ल्याउने व्यवस्था गरिएको परराष्ट्र मन्त्रालयले जानकारी दिएको छ।
दिल्लीबाट लखनउको उडानका लागि उनीहरूलाई सहजीकरण गर्न दिल्ली विमानस्थलमा नयाँ दिल्लीस्थित नेपाली दूताबासबाट दुई जना कर्मचारी खटाइएको छ। त्यसैगरी सुनौली बोर्डरबाट बुटवल घरसम्म नै उनीहरूलाई पुर्याउने व्यवस्थाका लागि पनि मन्त्री राणाले गृहमन्त्री रमेश लेखकसँग कुराकानी गरेकी छन्।
घटनास्थलमा रहेका सुदीपका आफन्तहरूले त्यहाँ बस्न सक्ने अवस्था नरहेकाले आज नै घर फर्किने व्यवस्थाका लागि अनुरोध गरेपछि परराष्ट्र मन्त्रालयले त्यसका लागि समन्वय गरेको हो। सुदीप बुटवल-११, कालिकानगर रुपन्देही निवासी हुन्। सो आतंककारी हमालाको नेपाल सरकारले कडा शब्दमा निन्दा र भर्त्सना गरेको छ
कांग्रेस र एसमाजवादीका एक–एक र एमालेका दुई सांसदलाई डीएसपीले चलाएको गाडीले ठोकिदियो
आगामी आर्थिक वर्षदेखि ६८ वर्षमाथिका ज्येष्ठ नागरिकलाई सामाजिक सुरक्षा भत्ता : मन्त्री सुडी
चार सांसद चढेको गाडी मोरङको कानेपोखरीमा प्रहरी डीएसपीको गाडीसँग जुध्यो, कस्तो छ अवस्था?
सिंहदरबारमा प्रधानमन्त्री ओलीले यसकारण खोजे काठमाडौंका मेयर बालेन शाह
सगरमाथा संवादमा सहभागी नगराएको भन्दै सांसदहरूको आक्रोश, सभापतिको आलोचना
शिक्षक महासंघ फेरि रिसायो, सहमति लत्याएको आरोप लगाउँदै असहमति बुँदामा प्रकट गरिने
३१ वर्षपछि महुरे–फोक्सिङटार सडक कालोपत्र हुँदै
