काठमाडौं– मंगलबार नेपाल स्टक एक्सचेञ्ज (नेप्से) ले २१ सय विन्दु पार गरेको छ । शेयर बजार लगातार दोस्रो दिन पनि बढेर नेप्सेले २१ सय विन्दु पार गरेको हो ।
सोमबार नेप्से ८.९० अंकले बढेर बन्द भएको थियो । आज पनि नेप्सेको बढ्ने क्रम जारी रहेको छ । आज मंगलबार नेप्से ३३.१५ अंकले बढेको छ । आज नेप्से १.५९ प्रतिशतले बढेर २११५.२४ विन्दुमा पुगेको छ ।
आज ५ अर्ब ५५ करोड ५३ लाख ६१ हजार रुपैयाँ बराबरको १ करोड २६ लाख ६५ हजार ३२९ कित्ता शेयर ७४ हजार ८७७ पटक किनबेच भएको छ ।
मंगलबार ३११ वटा कम्पनीको शेयर कारोबार हुँदा २०३ वटा कम्पनीको शेयर मूल्य बढेको छ भने ४१ कम्पनीको शेयर मूल्य घटेको छ । २ वटा कम्पनीको शेयर मूल्य भने स्थिर रहेको छ ।
आज सेन्सेटिभ इन्डेक्स ४.१८ अंकले, फ्लोट इन्डेक्स २.५२ अंकले र सेन्सेटिभ फ्लोट इन्डेक्स १.६६ अंकले घटेको छ ।
मंगलबार १३ वटा समूहमध्ये सबैको मूल्य बढेको छ । आज सबैभन्दा बढी जिवन बीमामा लगानीकर्ताको उत्साह देखिएको छ भने सबैभन्दा कम म्युचल फण्डमा देखिएको छ । जिवन बीमा २४१.११ अंकले बढेको छ भने म्युचअल फण्ड ०.०९ अंकले बढेको छ ।
बरुण हाइड्रोपावर, कुथेली बुखारी साना जलविद्युत, माथिल्लो हेवाखोला जलविद्युत र भगवती जलविद्युत विकास कम्पनीको शेयरमा १० प्रतिशतले बढेर सकारात्मक सर्किट लागेको छ । एनआरएन पूर्वाधार र विकासको शेयरमा पनि ९.०८ प्रतिशतले बढेको छ ।
