काठमाडौं– सप्तरीको सप्तकोशी नगरपालिकास्थित नेपाल बैंक लिमिटेड शाखाका सुरक्षा गार्ड परशुराम फुयाँलको हत्या आरोपमा प्रहरीले मकवानपुरबाट एक जनालाई पक्राउ गरेको छ ।
मधेस प्रदेश प्रहरी कार्यालयको विशेष टोलीले सप्तकोशी–१ फत्तेपुरमा रहेको बैंकका सुरक्षा गार्ड फुयाँलको हत्या अभियोगमा चन्द्र सुवेदीलाई पक्राउ गरेको हो ।
उनलाई अनुसन्धानमा खटिएको प्रहरी टोलीले शनिबार राती पक्राउ गरेको हो । बैंक लुट्ने अभिप्रयाले सुवेदी त्यहाँ छिरेका थिए । बिहीबार बिहान ३ बजेर १८ मिनेटमा ५५ वर्षीय पर्शुराम फुँयालको हत्या भएको थियो ।
गार्डको हत्यापछि बैंक लुटपाटको प्रयास भएको थियो । तर लुट्न नसकेपछि फर्किएको सीसीटीभी फुटेजमा देखिएको थियो । हत्या प्रकरणले फुयाँलका आफन्त आक्रोशित थिए ।
प्रकाशित मिति: आइतबार, वैशाख ३०, २०८१ ११:२५
प्रतिक्रिया दिनुहोस्
