काठमाडौँ– सामाजिक सञ्जाल फेसबुक र इन्स्ट्राग्राममा समस्या देखिएको छ ।
बुधबार राती ९ बजे चलिरहेका एकाउन्ट अचानक ‘लगआउट’ भएर बन्द भएका छन् । त्यसपछि प्रयोगकर्ताहरुले आफ्नो सामाजिक सञ्जाल ‘लगइन’ गर्न सकिरहेका छैनन् ।
यो समस्या विश्वभर नै देखिएको प्रयोगकर्ताहरुले बताइरहेका छन् । ट्वीटर प्रयोगकर्ताहरुले फेसबुक अवरुद्ध भएको भन्दै स्कृनसटहरु पोस्ट गरिरहेका छन् ।
नेपालमा पनि आज राति साढे ९ बजेतिरदेखि यो समस्या देखिएको छ । प्रयोगकर्ताहरुले फेसबुक खोल्ने प्रयास गरेपनि सफल नभएको जानकारी ट्वीटरमा गरिरहेका छन् ।
सामाजिक सञ्जालमा देखिएका समस्याबारे रिपोर्ट गर्न मिल्ने डाउन डिटेक्टरमा लाखौँ प्रयोगकर्ताले लगइनबारे समस्या आएको गुनासो गरेका छन् ।
यसबारे मेटाले कुनै जानकारी दिएको छैन ।
प्रकाशित मिति: मंगलबार, फागुन २२, २०८० २१:५४
प्रतिक्रिया दिनुहोस्
