काठमाडौं - आईसीसी एकदिवसीय विश्वकप क्रिकेटको पहिलो सेमिफाइनल खेलमा भारतले न्युजिल्यान्डलाई ३ सय ९८ रनको विशाल लक्ष्य दिएको छ ।
मुम्बईको वानखेडे स्टेडियममा टस जितेर ब्याटिङ गरेको भारतले निर्धारित ५० ओभरमा ४ विकेट गुमाएर ३ सय ९७ रन बनायो । भारतका विराट कोहली र श्रेयस अय्यरले शतक बनाए ।
कोहली १ सय १३ बलमा १ सय १७ र अय्यर ७० बलमा १ सय ५ रन बनाएर आउट भए । यस्तै शुभमन गिलले ६६ बलमा ८०, कप्तान रोहित शर्माले २९ बलमा ४७ र केएल राहुलले २० बलमा ३९ रन जोडे ।
बलिङतर्फ न्युजिल्यान्डका टिम साउथीले ३ विकेट लिए । न्युजिल्यान्डले केही बेरमा जवाफी ब्याटिङ थाल्नेछ ।
प्रकाशित मिति: बुधबार, कात्तिक २९, २०८० १९:३७
प्रतिक्रिया दिनुहोस्
