डाबर नेपालले ९ अर्ब ६८ करोड रुपैयाँ थप लगानी गर्ने

काठमाडौँ– बहुराष्ट्रिय कम्पनी डाबर नेपालले नेपालामा ९ अर्ब ६८ करोड रुपैयाँ थप लगानी गर्ने भएको छ । 

कम्पनीले अवधारणामा क्षमता अभिबृद्धि तथा वस्तु विविधिकरण परियोजनाको निर्माण, संचालन र व्यवस्थापन गर्नका लागि थप लगानी गर्न लागेको हो । थप लगानी गर्ने सम्बन्धमा लगानी वोर्डका प्रमुख कार्यकारी अधिकृत सुशील भट्ट र डाबर नेपालका तर्फबाट विजनेस हेड हरकिरत सिंह वेदीले समझदारीपत्रमा हस्ताक्षर गरेका हुन् । लगानी वोर्डको माघ २५ मा सम्पन्न ४९ औं बैठकले डाबरको प्रस्ताव अनुसारको लगानी स्वीकृत गरेको थियो । 

समझदारीपत्रमा हस्ताक्षर गरेपश्चात डाबर नेपालका विजनेस हेड वेदीले नेपालमा आर्जित पुँजीको केही हिस्सा उद्योगको क्षमता र पुँजी बृद्धिमा लगानी गरिएको बताए । यस्तै, लगानी वोर्डका प्रमुख कार्यकारी अधिकृत भट्टले डा. नेपालले गर्न लागेको थप लगानीले लगानीकर्ताको नेपालप्रतिको विश्वास, भरोसा र व्यवसाय विस्तारको प्रचुर सम्भावनालाई उजागर गरेको बताए ।