विपिन जोशीको रिहाइका लागि पहल जारी राख्न इजिप्टलाई आग्रह गरेको छु : प्रधानमन्त्री
काठमाडौं– प्रधानमन्त्री केपी शर्मा ओलीले इजरायलबाट हमासको अपहरणमा परेका कञ्चनपुरका युवा विपिन जोशीको रिहाइका लागि पहल जारी राख्न इजिप्टसँग आग्रह गरेका छन् ।
प्रतिनिधिसभाको सोमबारको बैठकमा उनले स्पेन भ्रमणका क्रममा इजिप्टका प्रधानमन्त्री डा। मुस्तफा कमाल माडबुलीसँगको भेटका क्रममा विपिनको रिहाइका लागि जारी पहललाई निरन्तरता दिन आग्रह गरेको जानकारी दिए ।
‘हमासले बन्दी बनाएका नेपाली नागरिक विपिन जोशीको रिहाइका लागि हालसम्म इजिप्टले गरेको सहयोगका लागि धन्यवाद दिँदै निरन्तर पहलका लागि अनुरोध गरेको छु,’ प्रधानमन्त्री ओलीले भने ।
उनले इजिप्टका प्रधानमन्त्री डा। मुस्तफासँगको भेटमा दुई पक्षीय हित र चासोको विविध विषयमा छलफल गरे पनि बताए । ‘इजिप्टका प्रधानमन्त्री डा। मुस्तफा कमाल माडबुलीसँगको भेटमा दुई पक्षीय हित र चासोको विविध विषयमा छलफल गरेको छु,’ प्रधानमन्त्री ओलीले भने ।
मन्त्रिपरिषद् बैठक जारी
‘२०८३ मंसिर अघि महाधिवेशन हुन्छ’-गगन थापा
काठमाडौं महानगरपालिकाको विवाद सल्टाउन देउवाकहाँ पुगे बालेन
‘अप्ठ्यारो मान्छे हुँ, अरूले भनेर पार्टीबाट अवकाशको निर्णय गर्ने होइन’ : देउवा
आन्दोलनरत चिकित्सकका माग सम्बोधन गर्न सांसदको माग
ओलीले तेस्रो पटक भने– भगवान राम नेपालमा जन्मिएका हुन्, के सरकार संकटमा परेको संकेत हो?
प्रधानमन्त्री ओलीको दाबी- बाह्य सहयोगले होइन, आफ्नै पौरखले देशको विकास हुन्छ