भारतमा भीषण वर्षा : तीन सैनिकको मृत्यु, छ जना बेपत्ता
एजेन्सी– उत्तरपूर्वी भारतमा मुसलधारे वर्षापछि आएको भीषण पहिरोमा परी तीन सैनिकको मृत्यु हुनुका साथै अन्य छ जना बेपत्ता भएको भारतीय सेनाले सोमबार जनाएको छ ।
मनसुनी वर्षाका कारण आएको बाढी र पहिरोका कारण भारतको उत्तरपूर्वी राज्यमा पछिल्लो एक सातामा कम्तीमा ३० जनाको मृत्यु भएको छ । नेपाल र चीनसँग सीमा जोडिएको हिमाली राज्य सिक्किममा आइतबार साँझ गएको पहिरोमा परी सैनिकको मृत्यु भएको हो ।
सेनाले एक विज्ञप्ति जारी गर्दै भारी वर्षाका कारण आएको ठूलो पहिरो आइतबार साँझपख सेनाको क्याम्पमा खसेको जनाएको छ । सेनाले सामाजिक सञ्जालमा एक तस्वीर पोस्ट गरेको छ जसमा एक भवन अर्ध–जलमग्न भएको देखिन्छ ।
भारतमा मनसुनको मौसममा आकस्मिक बाढी आउनु सामान्य हो । यो सामान्यतया जुनमा सुरु हुन्छ र सेप्टेम्बरको अन्त्यसम्ममा कम हुन्छ ।
दक्षिण एसियामा गर्मी बढ्दै गएको छ र हालैका वर्षहरूमा मौसमी अवस्थामा परिवर्तन आएको छ ।
आयोगले डामेका गुरागाँईको एमाले धक्कु, राजु पाण्डे निलम्बन गरेसी सर्वाङ्ग
पूर्व मुख्यमन्त्री सोडारीको सांसद पद निलम्बनको पत्र प्रदेश सभामा
चल्न थाले सार्वजनिक यातायात, बढ्न थाल्यो चहलपहल
देशभर बर्षाको सम्भावना, यी प्रदेशमा ठूलो पानी पर्ने
राप्रपाले भन्यो–प्रचण्डले कार्यकर्तालाई हिंसा भड्काउन उक्साए
यातायात व्यवसायीले फिर्ता लिए आन्दोलन
विपद् व्यवस्थापनमा क्रियाशील हुन गृहमन्त्रीको निर्देशन
