ट्रम्पको एप्पललाई २५ प्रतिशत कर लगाउने चेतावनी

काठमाडौँ -अमेरिकी राष्ट्रपति डोनाल्ड ट्रम्पले एप्पलले २५ प्रतिशत भन्सार कर लगाउने चेतावनी दिएका छन् ।

ट्रम्पले एप्पललाई आइफोनको उत्पादन अमेरिकामा गर्न वा २५ प्रतिशत करको समान गर्न चेतावनी दिएका हुन्।

ट्रम्पले सामाजिक सञ्जालमा लेख्दै भनेका छन्- 'मैले धेरै पहिले एप्पलका टिम कुकलाई जानकारी गराएको छु, मलाई आशा छ, संयुक्त राज्य अमेरिकामा बेचिने उनीहरूको आईफोनहरू भारत वा अन्य कुनै ठाउँमा होइन, संयुक्त राज्य अमेरिकामा उत्पादन र निर्माण गरिनेछ । यदि त्यसो होइन भने, एप्पलले अमेरिकालाई कम्तिमा २५ प्रतिशत कर तिर्नुपर्नेछ ।'

ट्रम्पले गत हप्ता आफ्नो मध्य पूर्व यात्राको क्रममा भारतमा नवनिर्मित प्लान्टहरूमा संयुक्त राज्य अमेरिकामा बेचिने आईफोनहरू उत्पादन गर्ने कम्पनीको योजनाप्रति एप्पलका सीईओ कुकसँग असन्तुष्ट व्यक्त गरेका थिए ।

उनले भनेका थिए- 'मलाई टिम कुकसँग थोरै समस्या थियो । मैले टिमलाई भने, तिमी मेरो साथी हौ । मैले तिमीलाई धेरै राम्रो व्यवहार गरेंको छु । तिमी ५०० अर्ब डलर लिएर आउँदैछौ । तर अब मैले सुनेको छु, तिमी भारतमा निर्माण गर्दैछौ । म एप्पलले भारतमा आइफोन निर्माण गरोस् भन्ने चाहन्न ।

कुकले मंगलबार ह्वाइट हाउसमा ट्रम्पसँग फेरि भेट गरेको बताइएको छ ।