काठमाडाैं -कैलाली र कञ्चनपुरमा बुधबार साँझ चलेको हावाहुरीले पोल ढलेपछि केही स्थानमा विद्युत् सेवा अवरुद्ध भएको छ ।
नेपाल विद्युत् प्राधिकरण सुदूरपश्चिम प्रादेशिक कार्यालय अत्तरियाका अनुसार कैलालीको धनगढी उपमहानगरपालिका, कैलारी गाउँपालिका, गौरीगंगा नगरपालिका लगायतका केही स्थानमा विद्युत सेवा अवरुद्ध भएको छ ।
प्रादेशिक कार्यालयका प्रमुख जंगबहादुर चन्दले धनगढी उपमहानगरपालिका वडा नं १८, १९ को फूलबारी, वडा नम्बर १२ को जुगेडा र बजार क्षेत्रका केही स्थानमा विद्युत् सेवा अवरुद्ध भएको बताए ।
उनका अनुसार धनगढी वितरण केन्द्र अन्तर्गतको गौरीगंगा नगरपालिकाको मसुरिया, कैलारी गाउँपालिकाको हसुलिया क्षेत्रमा पनि विद्युत् सेवा अवरुद्ध भएको छ ।
प्रकाशित मिति: शुक्रबार, असार ७, २०८१ ११:०३
प्रतिक्रिया दिनुहोस्
