काठमाडौँ– विद्यालय शिक्षा विधेयक–२०८० माथि प्रतिनिधिसभाको शिक्षा, स्वास्थ्य तथा सूचना प्रविधि समितिमा छलफल सुरु भएको छ । 

सिंहदरबारमा आइतबार बसेको समितिको बैठकमा शिक्षा, विज्ञान तथा प्रविधिमन्त्री अशोककुमार राईले लामो समयको अन्तरालपछि आएको विद्यालय शिक्षासम्बन्धी विधेयकले मुलुकको शिक्षा प्रणालीमा सुधार ल्याउने विश्वास व्यक्त गरे ।

मन्त्री राईले जतिसक्दो चाँडो विधेयक पारितका लागि सांसदहरूलाई आग्रह पनि गरे । बैठकमा सांसदहरुले विधेयकमा शिक्षक दरबन्दी किटान गरिनुपर्ने, शिक्षकका लागि निजामती कर्मचारी सरहको सेवा सुविधा तोकिनुपर्ने लगाएतका बिषयमा सुझाव दिएका थिए ।

नेपालको शैक्षिक क्षेत्रमा सुधार गरि कानून ल्याउनुपर्नेमा उनीहरुको जोड थियो । विधेयक गत भदौ २७ गते प्रतिनिधिसभामा दर्ता भएको थियो ।