काठमाडौँ– नगरप्रहरीले ज्यादती गरेको भन्दै सडक तथा साइकलमा व्यवसाय गर्ने साना व्यापारीहरुले काठमाडौँ महानगरको कार्यालय अगाडी प्रदर्शन गरेको छ ।
आफुहरुलाई गरिखान नदिएको र नगर प्रहरीहरुले चरम ज्यादती गरेको भन्दै साना व्यापाहरीले भृकुटिमण्डपस्थित महानगरको कार्यालय अगाडी आज प्रदर्शन गरेका हुन् ।
ठेलागाडा, साइकल तथा फुटपाथमा व्यवसाय गर्नेहरुलाई महानगरले उचित व्यवस्थापन गर्नुपर्ने उनीहरुले जनाएका छन् । ठेलागाडा, साइकल तथा फुटपाथ व्यवसाय प्रतिबन्ध लगाउनुको साटो सबैलाई गरिखान दिन अन्य स्थानमा विकल्प दिनुपर्ने उनीहरुको भनाइ छ ।
प्रदर्शनमा सहभागीहरुले ‘बालेन–सुनिता तिमीहरूलाई मत र साथ दिनु के गल्ती नै थियो, गरिब होइन गरिबी हटाऊ’लगायत लेखिएका प्लेकार्ड प्रदर्शन गरेका थिए ।
प्रकाशित मिति: शनिबार, साउन १३, २०८० १७:३५
प्रतिक्रिया दिनुहोस्
