काठमाडौँ– काठमाडौं महानगरपालिकाका मेयर बालेन शाहले तार काटेको विषयमा प्राधिकरणले स्पष्टीकरण सोध्न नमिल्ने भन्दै उच्च अदालत, पाटनमा मुद्दा हालेका छन् ।

त्रिभुवन विमानस्थल क्षेत्रको तार काट्दा नागरिक उड्डयन प्राधिकरणले स्पष्टीकरण सोधेपछि मेयर शाहले आज रिट दायर गरेका हुन् । 

मेयर शाहले आज उच्च अदालत पाटनमा प्राधिकरणलाई विपक्षी बनाएर रिट दायर गरेका हुन् ।

उक्त रिट उच्च अदालतका न्यायाधीश धीरबहादुर चन्दको एकल इजलासमा परेको छ । 

नेपाल नागरिक उड्डयन प्राधिकरणले असार १ गते मेयर शाहलाई स्पष्टीकरण सोधेको थियो ।

यसअघि मेयर शाहको निर्देशनमा काठमाडौं महानगर–९ स्थित विमानस्थल क्षेत्रमा प्राधिकरणलाई कुनै जानकारी नदिई महानगरपालिकाका नगर प्रहरीले फेन्सिङ तार काटेको थियो । त्यसपछि प्राधिकरणले स्पष्टीकरण सोधेको हो ।