काठमाडौँ– विश्वको अग्रणी प्रविधि कम्पनी ह्वावेले उपत्यकामा एक कार्यक्रम आयोजना गरी आफ्ना साझेदारहरुबीच सन् २०२३ का लागि नयाँ क्लाउड पार्टनर प्याकेज सार्वजनिक  गरेको छ । ह्वावेका डेभलपमेन्ट पार्टनर जितेन्द्रकुमार शर्माले सञ्चालन गरेको सो कार्यक्रममा नेपालका ह्वावे क्लाउड पार्टनरहरू प्रिक्सा टेक्नोलोजी, जेनेस सोलुसन्स, क्लाउड वर्ल्ड सोलुसन्स, टेलिनेट र एडेक्सको सहभागिता रहेको थियो ।

गो क्लाउड र ग्रो क्लाउड  फ्रेमवर्कले  पुनर्बिक्रेता, वितरक, सेवा प्रदायक र हार्डवेयर साझेदारहरूलाई प्रोत्साहन र लगानीका अवसरहरूको दायरा फराकिलो पारेको छ ।

ह्वावेको ग्रो क्लाउड योजनामा स्टयानडर्ड, एडभान्स्ड, प्रिमियम र स्ट्र्याटेजिक गरी चारवटा प्याकेज रहेको छ ।  प्रत्येक प्याकेजमा विभिन्न इन्सेनटिभ जस्तैः त्रैमासिक र वार्षिक वृद्धि लाभहरू र ह्वावेको एडभान्स्ड क्लाउड सर्भिसको बिक्रीमा विशेष लाभको योजनाहरू पनि ल्याएको छ । नयाँ प्याकेजले मार्केटिङ डेभलपमेन्ट फण्ड, ह्वावे क्लाउड प्रयोग गरे वापत नगद कुपन र साझेदारका कर्मचारीहरूलाई बिक्री विस्तार गर्नका लागि प्रोत्साहन कार्यक्रम सहित पाँच थप फाइदाहरू पनि प्रदान गर्ने कम्पनीको दाबी छ ।

यस प्याकेजका प्रमुख प्राथमिकता साझेदारहरूको व्यवसायलाई सफल हुन आवश्यक उपकरण र स्रोतहरू उपलब्ध गराएर प्रोत्साहन गर्नु हो । कार्यक्रमका मुख्य फाइदाहरूमध्ये एक क्षमता विकास र प्रमाणीकरण हो  जसले साझेदारहरूलाई ह्वावेद्वारा उपलब्ध गराइएका निःशुल्क प्राविधिक कोर्सहरु र प्रमाणपत्रहरूमार्फत आफ्नो सिप र विशेषज्ञता विकास गर्ने अवसर दिन्छ ।

ह्वावेकोे गो क्लाउड सर्भिस नयाँ प्याकेजको अर्को महत्वपूर्ण पक्ष हो । यस प्याकेजले क्लाउड रिसेल, कन्सल्टिङ, क्लाउड माइग्रेसन र कार्यान्वयन, एप्लिकेसन रि–आर्किटेक्टर क्लाउड नेटिभ डेभलपमेन्ट र व्यवस्थापनजस्ता सेवामार्फत व्यावसायिक क्लाउड सेवा निर्माण गर्न सेवा साझेदारहरूलाई सहयोग गर्ने कम्पनीले जनाएको छ ।