चितवन–चितवन–२ मा भएको उपनिर्वाचनमा निर्वाचित प्रतिनिधिसभा सदस्य रवि लामिछानेलाई विजयी घोषणा गरी प्रमाणपत्र प्रदान गरिएको छ ।
राष्ट्रिय स्वतन्त्र पार्टीका उम्मेदवार लामिछानेलाई मुख्य निर्वाचन अधिकृत वासुदेव न्यौपानेले मंगलबार दिउँसो प्रतिनिधिसभा सदस्यमा निर्वाचित भएको प्रमाणपत्र प्रदान गरेका हुन् ।
लामिछाने ५४ हजार १७६ मत ल्याएर विजयी भएका हुन् । उनले निकटतम प्रतिद्धन्द्धी नेपाली कांग्रेसका जीतनारायण श्रेष्ठलाई ४२ हजार ९६२ मतले पराजित गरे। श्रेष्ठले ११ हजार २१४ मत ल्याएका छन् ।
तेस्रो स्थानमा रहेका एमालेका उम्मेदवार रामप्रसाद न्यौपानेले मात्र १० हजार ९ सय ३६ प्राप्त गरे ।
रविले अघिल्लो पटकको निर्वाचन भन्दा झण्डै ५ हजार मत बढि ल्याएका छन् । उनले त्यतिबेला ४९ हजार ३०० मत ल्याएका थिए ।
प्रकाशित मिति: मंगलबार, वैशाख १२, २०८० १६:०५
प्रतिक्रिया दिनुहोस्
