भ्यालेन्टाइन सप्ताह : कुन दिन के गर्ने ?

काठमाडौँ– अहिले भ्यालेन्टाइन सप्ताह सुरू भएको छ । फेब्रुअरी १४ मा मनाइने भ्यालेन्टाइन डेलाई नेपालमा प्रेम दिवसका रुपमा मनाउन पनि थालिएको छ ।

भ्यालेन्टाइन सप्ताह रोज–डेबाट सुरु हुन्छ । अग्रेजी महिनाको फेब्रुअरी ७ बाट सुरु भएको यो सप्ताह फेब्रुअरी १४ सम्म रहने गर्छ । यसै सन्दर्भमा हामीले भ्यालेन्टाइन सप्ताहका बारेमा जानकारी प्रस्तुत गरेका छौं ।

रोज–डे 

भ्यालेन्टाइन सप्ताहको सुरुवात रोज डेबाट हुन्छ । यस दिन प्रेमी प्रेमिका अथाव आफूले मन पराएका मानिसलाई प्रायः रातो गुलाफको फूल दिने चलन छ । रातो रगंलाई प्रेमको प्रतिकको रुपमा लिइन्छ ।   

प्रपोज डे

रोज डेको भोलिपल्ट आउने अर्को दिन हो प्रपोज डे । यस दिन प्रेममा परेका जोडीहरु अथाव मन पराएर पनि भन्न नसकेका मानिसहरुले एक अर्कालाई आफनो भावना भन्ने चलन छ ।

चकलेट डे

भ्यालेन्टाइन सप्ताहको तेस्रो दिन चकलेट डे हो । यस दिन प्रेममा परेका जोडीहरु एक अर्कालाई मन पर्ने चकलेट दिने गर्छन् । बजारमा चलेका थुप्रै प्रकारक चकलेटहरु आफनो प्रेमी प्रेमिकलाई दिने गर्छन् ।  

टेडी डे 

टेडी डे भ्यालेन्टाइन सप्ताहको चौंथो दिनमा पर्दछ । यस दिन विशेष गरी प्रेमीहरु आफ्नो प्रेमीकाको लागि टेडी (गुडिया) हरु उपहार दिने गर्दछन्  । टेडीलाई न्यानोपन, हेरचाह तथा स्नेहको प्रतिक मानिन्छ । 

प्रमिस डे

यस दिनलाई भ्यालेन्टाइन सप्ताहको महत्वपूर्ण दिनको रुपमा मानिन्छ । यस दिन प्रेममा परेका जोडीहरु एक अर्कालाई जीवनभर साथ रहने वाचा गर्छन् । एक अर्काको साथमा बसेर दुःखसुखा बाढ्ने, जिवनको हरेक पाटोमा साथ र सहयोग दिने लगायतका वाचा गर्छन् ।

हक डे 

भ्यालेन्टाइन सप्ताहको छैठौँ दिनमा पर्दछ हक डे । यस दिन कुनै पनि उपहार नभएर एक अर्कालाई अंगालो हालेर प्रेम व्यक्त गरिन्छ ।

किस डे 

भ्यालेन्टाइन सप्ताहको सातौं दिन अर्थात् फेब्रुअरी १३ तारिखमा पर्दछ किस डे । यस दिन एकअर्कालाई चुम्बन गरेर प्रेमको अनुभूति गरिन्छ । यस विशेष दिनमा प्रेममा परेका जोडीहरूले एकअर्काप्रतिको प्रेम र प्रशंसा व्यक्त गर्न चुम्बन गर्छन् । 

भ्यालेन्टाइन डे 

भ्यालेन्टाइन सप्ताहको अन्तिम र विशेष दिनको रुपमा यस दिनलाई लिइन्छ । आफ्नो पार्टनरसँग पूरै दिन बिताएर होस वा र काँही घुम्न गएर होस  मानिसहरू भ्यालेन्टाइन डे विभिन्न तरिकाले मनाउँछन् ।