काठमाडौँ –नेपाली कांग्रेसका नेता कर्मा घलेको निधन भएको छ ।
महासमिति सदस्यसमेत रहेका पूर्वसांसद घलेको ५९ वर्षको उमेरमा मंगलबार महाराजगञ्जस्थित त्रिवि शिक्षण अस्पतालमा उपचारका क्रममा निधन भएको नेपाली कांग्रेसले जनाएको छ ।
उनी लामो समयदेखि क्यान्सरबाट पीडित थिए । कांग्रेसका प्रमुख सचेतक रमेश लेखकले विज्ञप्ति निकालेर घलेको निधनले कांग्रेस एवं सामाजिक क्षेत्रलाई अपुरणीय क्षति पुगेको उल्लेख गरेका छन् ।
घलेले कोभिड–१९ को महामारीका बेला नेपाल सरकारलाई करिब सवा करोड बराबरको सेनिटाइजरसमेत सहयोग गरेको प्रमुख सचेतक लेखकले जारी गरेको विज्ञप्तिमा उल्लेख छ ।
मनाङका घले २०७४ मा समानुपातिकतर्फबाट प्रतिनिधि सभा सदस्य भएका थिए ।
प्रकाशित मिति: मंगलबार, माघ २४, २०७९ १७:१८
प्रतिक्रिया दिनुहोस्
