ताइवानमा चीनको सैन्य अभ्यासबाट सीमित प्रभाव : सर्वेक्षण

ताइपेई [ताइवान] : ताइवानमा रहेको अमेरिकन चेम्बर अफ कमर्स (AmCham) ले हालै गरेको सर्वेक्षणमा उक्त टापुको वरिपरि चिनियाँ सैन्य अभ्यासले खासै प्रभाव नपार्ने उल्लेख गरेको हो ।

ताइवानलाई आफ्नो क्षेत्र भनी दाबी गर्ने चीनले यस महिना अमेरिकी संसदको सभामुख न्यान्सी पेलोसीले ताइपेईको भ्रमण गरेदेखि नै ताइवानको वरिपरि सैन्य अभ्यास गरिरहेको छ। तर, यस अध्ययनमा सामेल ५२९ जना मध्ये १२६ जनाले मात्रै अगस्ट ८ देखि अगस्ट १७ सम्म गरिएको सर्वेक्षणमा प्रतिक्रिया जनाएका थिए, जहाँ ७७ प्रतिशतले चीनको सैन्य अभ्यासले आफ्नो ताइवानको व्यवसायमा सीमित नकारात्मक प्रभाव परेको बताएका थिए।

सर्वेक्षण गरिएका ४६ प्रतिशत कम्पनीहरूले २०२२-२०२३ को अवधिमा बढेको सैन्य गतिविधिले उनीहरूको सञ्चालनलाई असर गर्ने अपेक्षा गरेका थिए, जबकि बाँकी कम्पनीहरू या त अनिश्चित थिए वा प्रभावित हुने अनुमान गरेका थिएनन्। पेलोसीको ताइपेई भ्रमण र त्यसपछिको चिनियाँ सैन्य अभ्यासलाई मध्यनजर गर्दै यो सर्वेक्षण गरिएको हो।

(एएनआई)