गिताञ्जलीको 'रेत समाधि' बन्यो बुकर पुरस्कार जित्ने पहिलो हिन्दी उपन्यास

काठमाडौँ– भारतीय लेखिका गिताञ्जली श्रीले अन्तर्राष्ट्रिय बुकर पुरस्कार प्राप्त गरेकी छन् । उनले लेखेको उपन्यास ‘रेत समाधि’ को अंग्रेजी अनुवाद ‘टम्ब अफ स्याण्ड’ ले सन् २०२२ को अन्तर्राष्ट्रिय बुकर पुरस्कार जितेको हो । गिताञ्जली अन्तर्राष्ट्रिय बुकर पुरस्कार जित्ने पहिलो भारतीय महिलासमेत बनेकी छन् । पुरस्कार स्वीकार गर्ने क्रममा उनले भनिन्, ‘मैले कहिले पनि बुकर पुरस्कार जित्ने कल्पना गरेकी थिइनँ । कहिले पनि सोचिन कि म यो गर्न सक्छु भनेर । यो एक प्रसिद्ध पुरस्कार हो । यसबाट सम्मानित हुन पाउँदा एकदमै खुशी लागेको छ ।’ याे उपन्यासलाई प्रसिद्ध अंग्रेजी अनुवादक डेजी रोकवेलले अनुवाद गरेका थिए । ५० हजार पाउण्डको पुरस्कार राशि रहेको उक्त साहित्यिक पुरस्कारको लागि पाँच पुस्तकबीच प्रतिस्पर्धा रहेको थियो । (यसअघि गिताञ्जली अन्तर्राष्ट्रिय पुरस्कार पाउने पहिलो भारतीय महिला लेखक भएको हुनुपर्नेमा अन्यथा भएकाले सच्याइएको छ- स‍‍‌म्पादक)