आईपीएल : कोलकातामाथि दिल्लीको जित
काठमाडौँ– इन्डियन प्रिमियर लिग (आईपीएल) टी-ट्वान्टी क्रिकेटमा कोलकाता नाइट राइडर्समाथि दिल्ली क्यापिटल्सले जित निकालेको छ ।
मुम्बईमा बिहीबार राति भएको खेलमा दिल्लीले कोलकातालाई ४ विकेटले हराएको हो ।
कोलकाताले दिएको १ सय ४७ रनको लक्ष्य दिल्लीले १९ ओभरमा ६ विकेट गुमाएर पूरा गर्यो ।
दिल्लीको जितमा डेभिड वार्नरले ४२ रन जोडे । यस्तै रोभम्यान पावेलले अविजित ३३ रन जोड्दा अक्षर पटेलले २४ रन बनाए ।
ललित यादवले २२ तथा मिचेल मार्शले १३ रन जोडे ।
कोलकाताका उमेश यादवले ३ विकेट लिए ।
यस अघि पहिले ब्याटिङ गरेको कोलकाताले २० ओभरमा ९ विकेट गुमाएर १ सय ४६ रन बनाएको थियो ।
कोलकाताका लागि नितिश रानाले ५७ रनको अर्धशतकीय इनिङ खेले । कप्तान श्रेयस एयरले ४२ रन जोड्दा रिन्कु सिंहले २३ रन जोडे ।
दिल्लीका कुलदिप यादवले ४ तथा मुस्ताफिजुर रहमानले ३ विकेट लिए ।
जितसँगै दिल्लीले ८ खेलमा ८ अंक जोडेर छैटौं स्थानमा उक्लिएको छ ।
कोलकाताले ९ खेलमा ६ अंकसहित आठौं स्थानमा रहेको छ ।