नेपाली महिला राष्ट्रिय टोली उज्बेकिस्तानसँग पराजित हुनुको कारण ‘प्रधानमन्त्री ओलीको कल’

काठमाडौं– नेपाली महिला राष्ट्रिय फूटबल टोली टाई ब्रेकरमा उज्बेकिस्तानसँग ५–३ ले पराजित भयो। तास्कन्दको होटलमा एक विशेष र भावनात्मक अन्तर्वार्तामा बेल्जियमको युईएफए समर्थक लाइसेन्स प्राप्त मुख्य प्रशिक्षक रहेका प्याट्रिक डे वाइल्डले अखिल नेपाल फुटबल संघ (एन्फा) मा भएको

कुव्यवस्थापन, आधारभूत पूर्वाधारको अभाव र गलत प्राथमिकताहरूप्रति आफ्नो निराशा खुलाए। 

यति मात्र होइन उनले यो खेल हार्नुको कारण प्रधानमन्त्री केपी शर्मा ओलीको भिडिओ कल समेत रहेको खुलासा गरेका छन्। उनले अचम्म लाग्दा र सत्य हुने दाबीसहितका उदाहरण प्रस्तुत गरेका छन्।

उनले भनेका छन्,‘मैले एन्फाबाट आधारभूत उपकरणहरू, एक भौतिक प्रशिक्षक र एक भिडियो विश्लेषक मागेको थिएँ, जुन हाम्रो सम्झौता अनुसार मेरो पहुँचमा हुनुपथ्र्यो कुनै प्रतिक्रिया आएन।’

उनल अगाडि थपेका छन्,‘खेलको दिनमा, प्राविधिक प्रमुखले मलाई ‘चिन्ता नगर्नुहोस् प्रशिक्षक। आफ्नो उत्कृष्ट प्रदर्शन गर्नुहोस्’ भनेका थिए। यी मानिसहरू मेरो योग्य छैनन्। तर खेलाडीहरू छन्। तिनीहरू लगभग रोइरहेका थिए। तिनीहरूले मलाई दिएको मायो भारी थियो।

उनले खेलमा पराजयको कारण दबाब रहेको पनि खुलाएका छन्। उनले भनेका छन्,‘नेपालविरुद्ध उज्बेकिस्तानसँग पेनाल्टी खेल्नु परेको थियो। ३–५ को पराजयमा खेलाडीले किन गोल गर्न सकेनन्। तनावको कारण। खेलको अवस्था मात्र होइन तर बिहान ११ बजे प्रधानमन्त्रीसँग सामूहिक भिडिओ कल भयो। यसले उनीहरुलाई दबाबमा पारेको थियो।’

उनले अगाडि भनेका छन्,‘मैले उज्बेकिस्तानलाई सोधें कि के उनीहरूको राष्ट्रपतिले उनीहरूलाई बोलाएका थिए। उनीहरूले भनेनन्। उदाहरणका लागि, जब रियल म्याड्रिड च्याम्पियन्स लिगमा खेल्छ, के क्लब अध्यक्ष फ्लोरेन्टिनोे पेरेजले पत्रकार सम्मेलन गर्छन्? होइन। यो दबाब खेलाडीहरूको लागि होइन, यो अरूको फाइदाको लागि हुन जान्छ।’

उनले एन्फा र टिमबारे पनि केही खुलाएका छन्। उनी भन्छन्,‘मलाई त्यस्तो सहायक चाहिँदैन जसले कम्प्युटर खोल्न वा डेटासँग काम गर्न सक्दैन। खेलाडीहरूको तथ्याङ्क वा प्रदर्शन मेट्रिक्स नजानीकन म कसरी अर्को स्तरमा लैजान सक्छु? क्यामेरा छैन, विश्लेषण छैन – मैले के गर्नुपर्छ? भुइँमा लड्नु?’
आफू ६१ वर्ष पुगेको र जीवनको यस मोडमा, यो खुशीको समयमा अब यस्ता मानिसहरूसँग काम गर्न नसक्ने बताएका उनले भनेका छन्,‘यो केवल क्षमताको बारेमा होइन यो चरित्रको बारेमा पनि हो।’