वाटफोर्डविरुद्ध म्यानचेस्टर सिटीको फराकिलो जित
काठमाडौँ– इंग्लिस प्रिमियर लिगमा शीर्ष स्थानको म्यानचेस्टर सिटीले लिभरपुलसँग ४ अंकको दूरी बनाएको छ ।
शनिबार राति भएको खेलमा वाटफोर्डमाथि ५–१ गोलको फराकिलो जित निकाल्दै म्यान सिटीले लिभरपुलसँगको अंक दूरी बढाएको हो ।
म्यानचेस्टर सिटीको जितमा गाब्रियल जिससले चार गोल गरे । जिससले खेलको चौथो, २३औं, ४९औं र ५३औँ मिनेटमा गोल गरेका थिए ।
त्यस्तै एक गोल रोड्रीले थपे ।
वाटफोर्डका लागि एक गोल हासान कमाराले फर्काएका थिए ।
यो जितपछि म्यानचेस्टर सिटीको ३३ खेलमा ८० अंक भएको छ ।
त्यस्तै वाटफोर्डको भने ३३ खेलमा २२ अंकसहित लिगमा १९औं स्थानमा रहेको छ ।
प्रकाशित मिति: बुधबार, मंसिर ७, २०७९ २२:४१
प्रतिक्रिया दिनुहोस्