काठमाडौँ– स्पेनिस ला लिगा फुटबलमा बार्सिलोनाले रियल सोसिडाडमाथि संघर्षपूर्ण जित निकालेको छ ।
बिहीबार राति बार्सिलोनाले घरेलु टोली रियल सोसिडाडलाई १–० गोल अन्तरले हराएको हो ।
बार्सिलोनाको जितमा खेलको ११ औं मिनेटमा पियरिक इम्रिक औबमेयाङले विजयी गोल गरे । उनले स्पेनिस लिगको ११ औं खेलमा ९ गोल पुरा गरेका छन् । जित सहित बार्सिलोना तालिकाको दोस्रो स्थानमा उक्लिएको छ ।
बार्सिलोना ६३ अंक सहित दोस्रो स्थानमा उक्लिएको छ । क्लब शीर्ष स्थानको रियल मड्रिड भन्दा १५ अंकले पछि छ । रियल सोसिडाड तालिकाको छैटौं स्थानमा छ ।
च्याम्पियन्स लिगमा स्थान बनाउन क्लब ६ अंकले पछि छ । रियललाई ३५ औं लिग उपाधि जित्न बाँकी ५ खेलमा मात्र ४ अंक आवश्यक छ ।
प्रकाशित मिति: बुधबार, मंसिर ७, २०७९ २२:१४
प्रतिक्रिया दिनुहोस्
