चक्रे मिलनको बर्थ डे पक्राउको अस्थायी अवतरण १ लाख ४० हजार धरौटीमा, रिहा भए

काठमाडौं– गुन्डा नाइकेले सुपरिचित नाम चक्रे मिलन (मिलन गुरुङ) जिल्ला अदालत भक्तपुरमा एक लाख त्त० हजार धरौटी बुझाएपछि रिहा भएका छन्।

उनलाई बर्थ डे मनाउने क्रममा काठमाडौं प्रहरी र अपराध अनुसन्धान कार्यालयबाट खटिएको टोलीले पक्राउ गरी काठमाडौंमा र त्यसपछि भक्तपुरमा मुद्दा चलाइएको थियो।

जिल्ला अदालत भक्तपुरले पनि धरौटीमा रिहा गर्न आदेश दिएपछि उनको अस्थायी अवतरण भएको छ।

जिल्ला अदालत भक्तपुरका न्यायाधीश रामप्रसाद न्यौपानेको इजलासले उनलाई १ लाख १० हजार धरौटीमा छाड्न आदेश जारी गरेको हो।

शुक्रबार भने न्यायाधीश न्यौपानेको इजलासले चक्रेको मुद्दामा बयान र थुनछेक सकेर आदेश जारी गरेको हो।

चक्रेविरुद्ध बिहीबार ज्यान मार्ने उद्योगको कसुरमा मुद्दा दर्ता भएको थियो। एक वर्षअघिको एक ज्यान मार्ने उद्योगको कसुरको मुद्दामा चक्रेविरुद्ध जाहेरी परेको थियो। 

आफ्नो भतिज मनिष रायमाझीलाई १० भदौ २०८१ मा सानोठिमीस्थित दिव्यश्जरीमा रहेको बड्डाको तावा रेस्टुरेन्टमा आक्रमण गरेको भन्दै उनका काका दिनेशकुमार रायमाझीले जाहेरी दिएका थिए।

सर्लाहीको हरिवन नगरपालिका–४ घर भएका २५ वर्षीय अजित खवाससहितका व्यक्तिले आक्रमण गरको भन्दै जाहेरी परेको थियो। 

अभद्र व्यवहारको कसुरमा उनी ३० हजार धरौटी तिरेर रिहा भएका थिए। न्यायाधीश खिमानन्द भुसालको आदेशअनुसार उनी धरौटी बुझाएर काठमाडौंबाट बुधबार रिहा भएका थिए। 

भक्तपुरमा अर्को मुद्दा रहेकाले उनलाई त्यसपछि भक्तपुर प्रहरीको जिम्मा लगाइएको थियो।

१५ साउनमा उपत्यका अपराध अनुसन्धान कार्यालय र जिल्ला प्रहरी परिसर, काठमाडौंको संयुक्त अपरेशनमा चक्रेसहित ४७ जना पक्राउ परेका थिए। जसमध्ये १९ जनालाई थुनामा राखिएको थियो।

प्रहरीसँगको बयानका क्रममा उनले केक समेत राम्रोसँग खान नपाइकन प्रहरीले उठाएको बताएका थिए। यसअघि पनि पटक–पटक चक्रे पक्राउ परेका थिए भने सम्पत्ति शुद्धिकरणको मुद्दा समेत खेपेका बिख्यात हुन्।