पाँचथरमा सेफ्टि ट्याङ्कीमा काम गर्न छिरेका थिए तीन मजदुर, एकको मृत्यु, दुई अचेत

काठमाडौं– पाँचथरमा निर्माणाधिन सेफ्टि ट्याङ्कीमा काम गर्न छिरेका तीन जना मजदुरमा एक जनाको मृत्यु भएको छ भने दुई जना अचेत छन्।

फाल्गुनन्द गाउँपालिका–५ घुर्बिसेमा निर्माणाधीन सेफ्टिक ट्यांकीमा काम गर्ने क्रममा तीन मजदुर बेहोस भएका थिए। 

मृत्यु हुनेमा फाल्गुनन्द गाउँपालिका–५ का ३८ वर्षीय रत्न चेम्जोङ छन्। बाँकी दुई जना सोही ठाउँका २४ वर्षीय भिष्म चेम्जोङ र ४० वर्षीय बिरु चेम्जोङको अहिले पनि उपचार जारी छ।

घुर्बिसे पञ्चमी सहकारी संस्थाले बनाउँदै गरेको सेफ्टिक ट्यांकीमा उनीहरू काम गरेका थिए। 

सेफ्टिक ट्यांकीभित्र सुरुमा एक जना मजदुर छिरको र उनी बेहासे भएपछि निकाल्न भन्दै अरू दुई जनाभित्र पसेका थिए उनीहरु पनि बेहोस भए।