अपार्टमेन्टमा मृत भेटिएकी यी सुन्दर अभिनेत्रीबारे आए नयाँ–नयाँ विषय, के हुन् ति?

काठमाडौं– अपार्टमेन्टमा मृत फेला परेकी पाकिस्तानी अभिनेत्री हुमैरा असगर अलीबारे नयाँ नयाँ कुरा बाहिर आएका छन्। 

उनी बसेका घरका मालिकको नयाँ बयान आएको हो। हुमैरा बसेको अपार्टमेन्टको विषयमा विवाद रहेको थियो।

सन् २०१८ मा भाडामा फ्ल्याट दिएका थिए। २०१९ मा नै सम्झौता सकिएको थियो। मृतक अभिनेत्रीले सम्झौता बढाउन चहाने या खाली गर्ने भन्ने सन्दर्भमा भने केही बताइएको छैन।

घर मालिकले अभिनेत्रीको विवाद र गुनासो आएको पनि खुलाएका छन्। अपार्टमेन्ट खाली गर्नका लागि अभिनेत्रीलाई भन्दा अस्वीकार गरिन्। २०२१ मा क्यान्टोनेमेन्ट बोर्ड क्लिफ्टनमा औपचारिक उजुरी दर्ता गराएको पनि खुलेको छ।

पाकिस्तानको लाहौर र किराँचीमा कानुनी पत्र पुगेको थियो। तर अभिनेत्रीले कुनै जवाफ दिइनन्। यो विषय अदालतमा पुग्यो र घर मालिकले अपार्टमेन्ट फिर्ता पाउने भए। तैपनि उनले अपार्टमेन्ट खाली गरिनन्। 

सन् २०२४ को मेमा अभिनेत्रीले अन्तिम पटक भाडा दिएको पनि खुलेको छ। त्यसयता भाडा नदिएकी उनी मृत फेला परेकी थिइन्।