नयाँ आयाममा नेपाल प्रहरीको कर्मः महोत्तरीमा अल्पसंख्यकसँग ‘प्रहरी’

बर्दीबास– जिल्ला प्रहरी कार्यालय महोत्तरीले नवप्रवर्तनीय काम स्वरुप अल्पसंख्यकसँग अन्तरक्रिया गरेको छ।

यो समुदाय–प्रहरी साझेदारीका निम्ति नयाँ आयामको प्रहरी कर्म देखिएको छ।

जनता प्रहरी कार्यालय धाउने मात्र होइन, सामाजिक सुरक्षा, अपराध न्यूनिकरणका लागि प्रहरी पनि जनताको दैलोमा पुग्छ भन्ने उदाहरणीय कार्य देखिएको छ।

अल्पसंख्यक समुदायले अक्सर प्रहरीलाई पक्षपाती, दमनकारी वा पहुँचविहीन ठान्छन्। तर यसले उक्त धारणालाई चिर्न मद्दत गर्दछ।

नियमित संवाद, छलफल, भेटघाट र सहकार्यले दुवैतर्फ विश्वास बढाउँछ।

अल्पसंख्यक समुदाय प्रहरीसँग खुलेर जानकारी, सूचना वा गुनासो गर्न सहज ठान्छन्।

सामुदायिक सूचना मिल्दा अपराध रोकथाम, अनुसन्धान र आपराधिक गतिविधिको पहिचान सजिलो हुन्छ।

अल्पसंख्यकप्रति हुने जातीय, धार्मिक, भाषिक वा लैङ्गिक पूर्वाग्रह घटाउन प्रहरीलाई प्रशिक्षण दिन सहयोग गर्छ।

प्रहरीलाई संवेदनशील बनाउने अवसर मिल्छ – जुन शान्तिपूर्ण समाजका लागि जरुरी छ।

प्रहरीले अल्पसंख्यकको संस्कृति, परम्परा र मूल्य बुझ्न सक्छन्, जसले व्यवहारमा सकारात्मक असर पार्छ।

अप्ठेरा परिस्थितिमा गलत बुझाइबाट हुने झडप वा तनाव कम हुन्छ।

अल्पसंख्यकको सहभागिताले प्रहरी नीति, कार्यशैली र प्राथमिकतामा विविधता र न्यायपूर्ण सोच आउँछ।

अमेरिकामा अफ्रिकन–अमेरिकन समुदायसँगको संवादका लागि यस्तो कार्यक्रम सुरु गरिएको थियो।

नेपालमा मधेसी, मुस्लिम, दलित, जनजाति समुदायसँग सम्वाद गर्न विशेष ‘सुनवाई कार्यक्रम’, ‘समुदाय–प्रहरी साझेदारी कार्यक्रम’ सञ्चालन गरिएको छ।

अल्पसंख्यकसँग प्रहरी कार्यक्रमले सुरक्षा र सामाजिक न्यायलाई सँगै लैजान्छ। यस्तो कार्यक्रमले प्रहरीलाई जनमैत्री बनाउँछ र समुदायलाई सुरक्षित र सम्मानित महसुस गराउँछ। दीर्घकालीन रूपमा यसले सामाजिक समावेशिता र स्थायित्वमा योगदान दिने प्रहरी अधिकारी विश्वास गर्छन्। 

‘प्रहरीप्रतिको धारणा परिवर्तन नभएसम्म सूचना र जनताका समस्या कार्यालयसम्म पुग्दैन’, अधिकारी भन्छन्,‘यस्ता कार्यक्रमले सहयोग गर्छ भन्ने हामीले लिएका छौं।’