प्रधानमन्त्री ओलीले छुट्याउन नसकेको ओभरपास, भन्दिए फ्लाइओभर

काठमाडौं- प्रधानमन्त्री केपी शर्मा ओलीले सामाजिक सञ्जालमार्फत 'देशको पहिलो फ्लाइओभर' सुरु भएको दाबी गरेपछि  आलोचना सुरु भएको छ। 

ओलीले “देशको पहिलो फ्लाइओभर” आज देखि सुरु भएको छ भन्दै सामाजिक सञ्जालमा पोस्ट गरेपछि त्यसको दाबीलाई लिएर आलोचना सुरु भएको हो । 

सामाजिक संजाल प्रयोगकर्ताहरूले प्रधानमन्त्रीको दाबीलाई भ्रामक भन्दै आपत्ति जनाएका छन्।

फ्लाइओभर भन्नाले प्राविधिक रूपमा दुई वा दुईभन्दा बढी व्यस्त सडकहरूलाई काट्ने Elevated Road Structure लाई जनाइन्छ, जुन खासगरी जाम न्यूनीकरण तथा सहरको ट्राफिक व्यवस्थापनका लागि बनाइन्छ। तर, ओभरपास भनेको सामान्यतया एउटै सडक वा रेलमार्ग पार गर्न बनाइने सानो Elevated Structure हो, जसको दायरा र प्रभाव सीमित हुन्छ।

सामाजिक सञ्जालमा आलोचकहरूले ओलीको दाबीलाई ‘प्रविधिक अज्ञानता’ को संज्ञा दिएका छन् भने कतिपयले यसलाई ‘राजनीतिक प्रचारबाजी’ मात्र भएको पनि बताएका छन्।