आजै गभर्नर नियुक्ति गरिने, ४ बजे सिफारिस समिति ५ बजे मन्त्रिपरिषदको बैठक
काठमाडौं– सरकारले मंगलबार (आज) नै गभर्नर नियुक्ति गर्ने तयारी गरेको छ। त्यसका लागि प्रधानमन्त्री केपी शर्मा ओलीले मन्त्रिपरिषदको बैठक डाकेका छन्।
सोमबार मन्त्रिपरिषदको बैठक स्थगित भएको थियो।
नेपाल राष्ट्र बैंकको गभर्नर नियुक्तिका लागि गठित सिफारिस समितिको बैठक आज अपराह्न बस्ने भएको छ।
समितिको संयोजक रहेका अर्थमन्त्री विष्णु पौडेलले ४ बजेलाई बैठक डाकेका हुन्।
सो समितिमा संयोजक पौडेलसहित निवर्तमान गभर्नर महाप्रसाद अधिकारी र अर्थशास्त्री पोषराज पाण्डे सदस्य छन्। समितिले गभर्नरका लागि तीन जनाको नाम सिफारिस गर्नेछ।
सोमध्ये एक जनालाई मन्त्रिपरिषद्को बैठकले नेपाल राष्ट्र बैंकको १८औँ गभर्नर नियुक्त गर्नेछ।
यो बैठक प्रधानमन्त्री केपी शर्मा ओली र कांग्रेस सभापति शेरबहादुर देउवाबीच बालुवाटारमा मंगलबार वार्ता सकिएपछि बोलाइएको हो। गभर्नर नियुक्तिको गाँठो फुकाउनका लागि ओली र देउवाको वार्ता भएको थियो।
रवि लामिछानेमाथि राज्यले ज्यादती गर्यो : झलनाथ खनाल
विद्या भण्डारी एमालेको अध्यक्ष बन्न खोज्नु सकारात्मक : झलनाथ खनाल
जति ढकढक्याए पनि एमालेको ढोका नखुलेपछि माधव नेपालको दैलोबाट छिरेका बामदेव
‘देशमा केही भएको छैन भन्ने गलत भाष्य भ्रम फैलाउने प्रयास भइरहेको छ’: उपप्रधानमन्त्री सिंह
ज्ञानेन्द्रका संवाद सचिव डा. पाठक पक्राउपछि रिहाईः राप्रपा नेताले उठाए बहस
प्रधानमन्त्री ओली गृह जिल्ला झापामा
