भारतको पुरानो मिसाइलको नाम हो रविना टन्डन, पाकिस्तानसँगको कहानी बडो रोचक रहेछ 

काठमाडौं– भारत र पाकिस्तानबीच युद्धबिराम भएपछि सीमा क्षेत्रमा शान्ति कायम भइरहेका बेला एउटा पुरानो मिसाइल र त्यससँग जोडिएको कहानी अहिले चर्चामा ल्याइएको छ।

भारत र पाकिस्तानबीच विभिन्न चरणमा युद्ध हुँदा भारतीय वायु सेनाले कार्गिल युद्धका क्रममा प्रयोग गरेको मिसाइलबारे अभिनेत्री रविना टन्डन जोडिएकी छन्। खासमा त्यो मिसाइलको नाम नै रविना टन्डन रहेछ।

कार्गिल युद्धका क्रममा पाकिस्तानले भारतीय सेनामा मार हान्दा कतिपय शव पाकिस्तानी भूमीमा खसेको यस कहानीमा बताइएको छ। यसबारे भारतीय टेलिभिजन च्यानल इन्डिया टिभीले एउटा रिपोर्ट नै तयार पारेको छ।

भारत सरकारले आफ्ना सेनाको शव पाकिस्तानसँग माग गरेको थियो। तर, पाकिस्तानका तत्कालिन प्रधानमन्त्री नवाज सरिफले शर्त अघि सारेका रहेछन्।

उनी बलिउड अभिनेत्री रविना टन्डनका ठूलो फ्यान रहेका कारण भारतीय सेनाको शवको साटो रविना टन्डनलाई पठाउन भनेछन्। त्यसपछि भारतीय वायु सेनाले एउटा मिसाइलको नाम नै रविना टन्डन राखेर पाकिस्तानमा प्रहार गरी नवाज सरिफलाई पठाइएको रिपोर्ट प्रकाशित छ।