यस्तो छ आगामी बजेटका सिद्धान्त र प्राथमिकता (पूर्णपाठ)

काठमाडौं- सरकारका उपप्रधान तथा अर्थमन्त्री विष्णुप्रसाद पौडेलले सङ्घीय संसद्‌मा आगामी बजेटको सिद्धान्त र प्राथमिकता पेश गरेका छन्‌ ।

आइतबार (आज) बसेको प्रतिनिधि सभा बैठकमा अर्थमन्त्री पौडेलले ‘विनियोजन विधेयक, २०८२ का सिद्धान्त र प्राथमिकता’ सम्बन्धमा छलफल गर्ने प्रस्ताव पेश गरेका हुन्‌ ।

अर्थमन्त्री पौडेलले संसद्‌ले आजै पारित गरेको ‘सरकारका नीति तथा कार्यक्रम’ बमोजिम नै बजेट ल्याउने बताएका छन्‌ ।

अर्थमन्त्री पौडेलले प्रस्तावमा ‘विकासको ढाँचा, गति र संस्कृति बदल्न, राष्ट्रिय आवश्यकता अनुरूपको आर्थिक सुधार गर्न, उद्यमशीलता, उत्पादन र रोजगारीका थप अवसर सिर्जना गर्दै मानवीय र भौतिक विकासमा तीब्रता दिन र लोकतान्त्रिक मूल्यमा आधारित समाजवादउन्मुख स्वतन्त्र र समृद्ध अर्थतन्त्रको आधार तयार गर्न सम्पूर्ण स्रोत, साधन र सामर्थ्य परिचालन गर्नु जरुरी रहेको’ लेखेका छन्‌ ।

आर्थिक वर्ष २०८२/०८३ का लागि विनियोजन विधेयक प्रस्तुत गर्दा अर्थमन्त्रीले मौलिक हक तथा राज्यका निर्देशक सिद्धान्तको कार्यान्वयन, समृद्ध नेपाल, सुखी नेपालीको राष्ट्रिय आकाङ्‍क्षा पुरा गर्न सुदृढ अर्थतन्त्रको निर्माण, विकासमा समन्वय र सहकार्य, सार्वजनिक वित्त सन्तुलन र बजेट अनुशासन, व्यवसायमैत्री वातावरणको सिर्जना र निजी क्षेत्रको लगानी प्रवर्द्धन, सामाजिक सुरक्षाको प्रत्याभूति र नागरिकमैत्री सेवा प्रवाह र सुशासन सिद्धान्तलाई आधार बनाउन आवश्यक ठानेको बताए ।

विनियोजन विधेयक, २०८२ का सिद्धान्त र प्राथमिकता :